Read Masana YOSUWA 21 Bible Online

YOSUWA 21 - Masana bible

YOSUWA 21

¹Sa ŋulona vi sa Levitna co kat mul-ma-ɗifinna Eliyazar, kat Yosuwa goora vi Nun hiɗi sa ŋulona vi jafna vi sa Israyella.

²Nisi law tisiya hay Silo hay nagata vi Kanaan ala: Ma-Vatɗina vul hagata tam Musus kay nigi vulma hoyok-ziyna ma numa lak hayna, hiɗi voora valam kaw, kay farayna vuma as ti haya.

³Sum sa Israyella vilek hoyok-ziy mara'a hay nagata visiya, hiɗi voora vi hoyok-ziy namna lay, ki Ma-Vatɗina vul hagata nala.[10]

⁴Nisi li ŋaɓta kuɗ ɦayta kay jafna vi sa Kehatna jar sa Levitna, gurona vi mul-ma-ɗifinna Aaron fi hoyok-ziy doogo yam ɦidi jar jafna vi Yuda, jar jafna vi Simeyon hiɗi Benyamin;

⁵Gurona vi Kehat segena ŋaɓta kuɗ ɦayta vulsi hoyok-ziyn doogo jar jafna vi Efrayim, hay jafna vi Dan hiɗi gal jafna vi Manase.

⁶Gurona vi Gerson ŋaɓta kuɗ ɦayta vulsi hoyok-ziyn doogo yam ɦidi jar jafna vi Isakar, vi Aser, hiɗi jafna vi Neftali, hiɗi gal-jafna vi Manase goy hay Basan.

⁷Gurona vi Merari kuɗ vuɗna visi fi hoyok-ziyn doogo yam ma' jar jafna vi Ruben, jar jafna vi Gad hiɗi jafna vi Zabulon.

⁸Sum sa Israyella vul hoyok-ziy namna lakŋi mi sa Levitna, hiɗi voora valam kaw, nisi ŋaɓam kuɗ ɦayta, ki Ma-Vatɗina vul hagatis tam Musus nala.

⁹Hoyok-ziy ma selem ka tan kayni mi ma nisi yawam kuɗ jafna vi Yuda hiɗi jafna vi gurona vi Simeyon kay vulsita,

¹⁰mi hoyok-ziy ma vuli mi gurona vi Aaron jar jafna vi sa Kehatna gurona vi Levi, kay ŋaɓta kuɗ ɦayta nig kisi jewe.

¹¹Nisi vulsi Kiryat-Arba, ta ya' Hebron hay hiɗiyta vi Yuda, hiɗi voora va'a. Arba kayni mi bum Anak.

¹²May sinena vi hoyok-ziyna hiɗi hoyok-ziy ma gurayna nisi vulum mi Kaleb goora vi Yefune.

¹³Hoyok-ziy ma ŋay sum sa ci matna hiɗi voora valamu nisi vulum mi gurona vi mul-ma-ɗifinna Aaron, Hebron hiɗi voora va'a, Libna hiɗi voora va'a,

¹⁴Yattir hiɗi voora va'a, Ektemowa hiɗi voora va'a,

¹⁵Holon hiɗi voora va'a, Debir hiɗi voora va'a;

¹⁶Ayin hiɗi voora va'a, Yutta hiɗi voora va'a, Bet-Semes hiɗi voora va'a kaw. Hoyok-ziyn zleeŋe kuɗ jaf nisin ma' lakŋi.

¹⁷Kuɗ jafna vi Benyamin: Gabawon hiɗi voora va'a, Geba hiɗi voora va'a;

¹⁸Anatot hiɗi voora va'a, Almon hiɗi voora va'a kaw. Hoyok-ziyn fiɗi.

¹⁹Hoyok-ziyna vi muliyan-sa-ɗifinna gurona vi Aaron noŋ pet doogo yam ɦidi hiɗi voora valam kaf.

²⁰Sa Levitna segena sa hay jafna vi gurona vi Kehat ŋaɓta kuɗ ɦayta vulsi galla visiya jar jafna vi Efrayim.

²¹Nisi vulsi hoyok-ziy ma ŋayna kay sumuna visi sa ci matna, Sikem hiɗi voora va'a, kulo kay hiɗiyta vi Efrayim, Gezer hiɗi voora va'a,

²²Kibstayim hiɗi voora va'a, Bet-Horon hiɗi voora va'a kaw; hoyok-ziyn fiɗi;

²³hay jafna vi Dan, Elteke hiɗi voora va'a, Gibbeton hiɗi voora va'a kaw,

²⁴Ayalon hiɗi voora va'a, Gat-Rimmon hiɗi voora va'a kaw, hoyok-ziyn fiɗi.

²⁵Gal-jafna vi Manase: Taanak hiɗi voora va'a, Rimmon hiɗi voora va'a, hoyok-ziyn ma'.

²⁶Hoyok-ziyn tapay noŋ pet doogo, hiɗi voora valam kaw, kay jafna vi gurona vi Kehat segena.

²⁷Gurona vi Gerson jar jafna vi sa Levitna, hay gal jafna vi Manase, nisi vulsi hoyok-ziy ma ŋay goyna kay sumuna visi sa ci matna: Kayni ti Golan hay Basan hiɗi voora va'a, Beektra hiɗi voora va'a kaw, hoyok-ziyn ma';

²⁸Hay jafna vi Isakar kayni ti Kisyon hiɗi voora va'a, Dabrat hiɗi voora va'a;

²⁹Yarmut hiɗi voora va'a, Eyin-Ganim hiɗi voora va'a kaw, hoyok-ziyn fiɗi;

³⁰hay jafna vi Aser kayni: Mikeyal hiɗi voora va'a, Abdon hiɗi voora va'a kaw,

³¹Helkat hiɗi voora va'a, Roheb hiɗi voora va'a kaw. Hoyok-ziyn fiɗi;

³²hay jafna vi Neftali kayni, hoyok-ziy ma ŋay goyna kay sa ci-matna, Kedes hay Galileya hiɗi voora va'a, Hamot-Dor hiɗi voora va'a, Kartan hiɗi voora va'a kaw. Hoyok-ziyn ɦidi.

³³Tapta vi hoyok-ziy ma ŋulona vi jafna vi Gerson kuɗ vuɗna visiya visiya: Hoyok-ziy ma ŋulon doogo yam ɦidi hiɗi voora valamu.

³⁴Caw jafna vi sa Levitna ma hinina, ma kuɗ vuɗna vi gurona vi Merari, kuɗ jafna vi Zabulon, nisi vulsi Yokneyam hiɗi voora va'a, Kartan hiɗi voora va'a;

³⁵Dimna hiɗi voora va'a, Nahalal hiɗi voora va'a; hoyok-ziyn ŋulon fiɗi;

³⁶kuɗ jafna vi Ruben: Betser hiɗi voora va'a, Yahsa hiɗi voora va'a,

³⁷Kedemot hiɗi voora va'a, Meffat hiɗi voora va'a kaw, hoyok-ziyn ŋulon fiɗi;

³⁸Kuɗ jafna vi Gad, hoyok-ziy ma ŋayna kay sa ci-matna: Ramot hay Galaad hiɗi voora va'a, Mahanayim hiɗi voora va'a,

³⁹Hesbon hiɗi voora va'a, Yayezer hiɗi voora va'a, tapay pet hoyok-ziy ŋulon fiɗi.

⁴⁰Tapta vi hoyok-ziyna ma nisi lum kuɗ ŋaɓta vi gurona vi Merari, kuɗ vuɗna visiya visiya, jafna vi sa Levitna ma hinna tap kulo haysi kaf: Hoyok-ziy ŋulon doogo yam ma'.

⁴¹Tapta vi hoyok-ziyna vi sa Levitna jar ir vocota vi sa Israyella: Hoyok-ziy ŋulon dok-fiɗi yam glafandi hiɗi voora valamu.

⁴²Hoyok-ziyn ŋulon marige kaw ka hiɗi voora valam ŋuyi talamu, hoyok-ziy ma ŋulon kaf ka ki kayn nala.

⁴³Ki kayn nala Ma-Vatɗina vulsi nagata ta nam yi va kalam kay vula' mi sumaysiya; nisi sli naga na'ta, lak haya'a.

⁴⁴Ma-Vatɗina vulsi tun-sukka goy hay galsi kafe, ki nam yi va kalam vok sumaysi nala; sa ma gaw kisi kep kaw col digsiɗi. Ma-Vatɗina vul sa gawt kisin hay ɓisiya.

⁴⁵Kuɗ yoboy ma ŋaana ma Ma-vatɗina dum tam jafna vi Israyel kaf, mara hin goy bay vunam hobɗi, nam kaf vunam hoba.