Read Masana 1 TIMOTEWUS 2 Bible Online

1 TIMOTEWUS 2 - Masana bible

1 TIMOTEWUS 2

¹Kay na'ta nan gatgi suw pet kayni kay nigi ma li giɗel-delta, kay nigi ma li siɗawta, siɗaw kay sumuna, li lop ma slugona kaw kay sumun kafe,

²siɗaw kay muliyana hiɗi sum sa lakay kulo hay liy ma ŋulona kafe, kay nay ma lak hay irita ta toyta, ta ŋal kiliŋga, hay poyta bay joota hiɗi hormota.

³Kay kayni ŋaa'a ŋolo kir Lawna ma su'da vaya,

⁴nam ma min ala sumun kaf ma fi su'da, co tam wida vi gasita kaw.

⁵Kay Lawna ka kepe, sa ma tap jar Lawna hiɗi sumuna ka kepe kaw, sa namna mi Kristu Yesu.

⁶Nam ma vul tuwam goyo kay but sumun kaf goyo, di-goyta ta li hay liyna va'ta.

⁷Nam tunanawa sa ma kus yoboyna, tunanawa apostolaya kaw -- nan di gasita, nan ka sinɗi -- nam tunanawa kay hat sa waana hay vida hiɗi gasita.

⁸Nan min kayn ala sum sa jufayna ma siɗaw hay liyn kaf, nisi ma yaw ɓisi ma peldetna kulo'o, bay ɦiyda, bay ci-wayta kaw.

⁹Nala kaw boyna ma cukum mi sligara ma bay suburta, irsi zulo kay sumuna, hot yisi gaa'a kaw, yisi ma gum gaana nisi ma gitim ɗol-ɗolɗi, gan tuwsi hiɗi orɗi, hiɗi kermenɗi, hiɗi sligar ma jifiy ma gus lop ŋollaɗi kaw,

¹⁰may mi lop ma ŋaana ma ɗek goy ala nisin si boy sa viyna sa sun Lawna.

¹¹Nala cata ma hum hatta hay musta kiliŋga hiɗi hot-yamda gaata;

¹²kay nan may vul hagata tam cata a na' ma vul hattaɗi, a na' ma sli ŋolda kay jufa'ɗi kaw, may na' ma mus ŋal kiliŋ'.

¹³Kay Adam ini jewe, Eva ini bugolda may.

¹⁴Adam ɗuti goyɗi, may ɗuti goyn ti cata, na' kal hay raw-goyta jewe.

¹⁵May na'a ma fi su'da hay vu'da vi goora, la nisi so tuwsi hay vida, hay minda, hay lita-peldetta kaw, hiɗi yisi hoti gaa'a.