Read Masana HEBRENA 6 Bible Online

HEBRENA 6 - Masana bible

HEBRENA 6

¹Kay na'ta hinay hatta ma gurayna ma jewna vi yoboyna vi Lawna ma kay Kristun goyo, tuɗay vokay tam pasiyakka, nay ma tun sem va mara gaa wuliya, kay: Hamda kay lopn ma mitina,

²vida hay Lawna, hatta vi baptisma, tunda-ɓamta, dayta-kulota vi sa mitina hiɗi kitata ta vatɗita loɗi.

³kayni mi va ma nay ma lumu, la Lawna hin liyna.

⁴May kay nisi sa haraŋa li tisi jew lina, sa jugo vulda ta may wuralawn pa jugona, sa muɗi tap hay Ŋusta-Peldetta muɗna,

⁵sa jugo yoboyn ma ŋaana vi Lawna hiɗi donota vi liyn ma min ma'a,

⁶nisi sa puk gaa'a, lop ŋolo kay hotta visiya hay hamda. Kay nisiya, nisi ɓal goora vi Lawna kulo kat gu-ma-grakŋa mara lo, muɗum zulo goy haraŋi.

⁷Kay hay li ma nagata li jafn ma ŋaana mi nisi sa ka zuma'na, kay ta ala na' ka ci niyn ma ka si ka'na dok-doko, na' fi bolda kuɗ Lawna pa.

⁸May la na' dayam mi zigiyna hiɗi olla, na' muɗi mi va ma waa'a, goboy kay fi be'da, ya' ma dab hay ŋal-goyta kaw.

⁹Sa hayan kigina, la numa di nala kaw, numa wi goy gasi haraŋ ala nigi ka hay gal ma ŋaana, ma tuɗgi tam su'da kaw.

¹⁰Kay Lawna may bay ɗigertaɗi; lopna vigiya, minda vigiya ta nigi ɗeka' goy kay semda valam hay lopna ma nigi lumu, ma nigi ka lum lo tam sa peldetna kaw, yalam as jok kaynɗi.

¹¹May numa min kayn ala san gigekaw jargiya ma ɗek tuwam ciwer ta-ta tam dabta, kay cubta-sle'ta vigiya fi hob kulo hob'.

¹²Kay nigi ma muɗ nekɗi, may nigi ma sli kuɗ nisi sa hay vida hiɗi cubta ta ŋalda, fi yaw vocota ta deŋayta.

¹³Nala kaw, ki Lawna hay li ma nam li deŋga tam Abraham, nam yi va kalamu kay tuwam ma ɗeŋŋa, kay va mara ma ŋol suwumu ma nam as yi va kalamu hiɗi namu mayɗi,

¹⁴nam di'e: Hay gasita nan min hin bolda kaŋ ŋolo, nan ma biya jafna vaŋ kaw.[15]

¹⁵Nala hay li ma Abraham cub hiɗi ŋalda cubna, nam fi va ma deŋay talamna.

¹⁶Kay sumuna yi va kisi hiɗi ma ŋol suwsina, va ma yi kamna, col dita visiya, vat ci-wayta kaf kaw.

¹⁷Kuɗ kayni hay li ma Lawna min vul vocota mi sa deŋga colay kisina, nam ɗek so'otta vi colda vi lawta valam ta ge'ɗita goy hay va mara'a, hay li ma nam yi va kalamu,

¹⁸kay kuɗ slen ma ge'dina ma', ma Lawna as ka sin hay noŋɗi, nay ma fi teŋ-irta dono'o, nay sa pir tam liyn ma ŋayna kay fi cubta-sle'ta ta ŋay taya.[16]

¹⁹Cubta-sle'ta na'ta, sey paawa gaa hiɗi na'a ki kawayn ma ɓal lumna nala, na' ta gasiya, dono'o kaw, co ta-ta kalaf jar sligar ma ɓuraw jar Tempella,

²⁰liyn ma Yesu kali hay jewe kaya, nam muɗi mul ŋol ma-ɗifinna ta-ta hay vatɗita, kuɗ zlaara vi jaf Melkisedek.