Read Masana 1 YOHANA 1 Bible Online

1 YOHANA 1 - Masana bible

1 YOHANA 1

¹Va ma ay hay cawa'ta tunita pa, va ma numa humi kalamu, va ma numa wum hiɗi irma'a kaw, va ma numa wum goy ŋaa'a, ɓuma tuni talamu kaw, kayni mi yoboyna vi irita,

²irita vul tuwa' goy haraŋi, numa wa'a, numa di goy ka'a, numa ka kus tigiya kay irita vatɗita, ta ay kat Bumna, ta vul tuwa' goy haraŋi.

³va ma numa wi'e humi kaw, numa dum goy tigi nigiya, kay nigi fi tap kepe hiɗi numa'a. May tapta-kepta vuma'a ka hiɗi bumna, hiɗi goora valamu Yesu Kristu kaw.[1]

⁴Slen kayni numa ɗomu kay firita vuma'a fi li goy hay liya'a.

⁵Kayni mi labara ma numa humumi vunamna, ma numa'a di goy tigiya kaw, ala: Lawna mi haraŋa, jufunda may hayam noŋɗi.

⁶La nay di ala nay tapay kepe hiɗi namu, may poy hay jufunda ni, nay ka sini, li kuɗ gasitɗi kaw.

⁷May la nay poy hay haraŋa, ki nam kay tuwamu ka hay haraŋa nala, nay kaf jar-tuway ka tapay kulo kepe, busuwna vi Yesu goora valamu porayawa kay sulukŋa kafe kaw.

⁸La nay di ala sulukŋa vaya mayɗi, nay ɗut tuwaya, gasita may hayayɗi kaw.

⁹La nay ham sulukŋa vay goyo, nam gasiya, ɗigere kaw, nam as vulay gida kay sulukŋa vaya, nam as poray goyo kay bay-ɗigerta kaf.

¹⁰La nay di ala nay may li sulukɗi, nay muɗum nam goy sa ma sinda, yoboyna valamu may hayayɗi kaw.