Read Mayangna Génesis 49 Bible Online

Génesis 49 - Mayangna bible

Génesis 49

¹Jacob, witing walanibis balna yulwak uiwak diyulna: “Yaihkit akat aiwanauh, bahang kaput laih manayulki tamatna yakat ais kalahwarang kidika:

²“Yaihkit akat aiwa dakanauh, Jacob walanibis balna, manna papangmana Israel yakat kaldakanauh.

³“Rubén, man laih yang walakibisbarakniman, yang paraski kaupak tatuna minikkalahna kidika laih man, riskipik tatuna dawak paraski.

⁴Kaunah man kidika tatuna-awas awama, kat man laih was parasni murwaklaihwatwas kapatman bahang: kat payahtayang pāni kidikarisnipik dis yamnaman bahang yang ialki karak alangwanaman.

⁵“Simeón dawak Leví karak laih kalwirah; witingna kalbaunin dini kidika laihwar yamnin dini manah ki.

⁶¡Kidika yakat watas bik sak-awakihyāwaski kalududuhwa pāni yakat! Kat witingna kulninna daukalwakmuih ihina, kidika laih witingna ting yayamna dawak turuh ahalmuk balna kalnina bikbabahna.

⁷¡Dutni, agha, dutni kawang kulnin daukalna dutni palni kidika! ¡Yang lawik diatingkat kalruhwi uiwarang Israel tawanni bitik kidika!

⁸“Judá, wirahma balna ayangma nuhniyayamwarang. Waihmala balna kidika dininamak yakatlaihma, dawak man wirahma balna palnirispik sainni kidika mamawarang.

⁹¡Man, Judá, yang walakibis! Man laih layan walanbis as kapatman di inin kidika iwas dawakat: abukwi, sau yakat kalangwi, layan nuhni kapat. ¿Wais sipkarangyah witing yakat usnin?

¹⁰Muih as bik Judá parasni kidikadakyakwas karang, witing tingni kaupak tulninahparasni kidika bik, tulninah parasni daniwan kidikakaiwarang kat,[77] witing yulwa kidika tawan balnadakakawarang.

¹¹Wain yanimak pasyakat birinikusitwa kidika, dawak wain kau asnina balna bitiksuhwa kidika, ¡wain minikwas kau!

¹²Witing minikpa kidika tanit sani kiwain karak dawakat; anani kidika tanit pihni kitāwas karak dawakat.

¹³“Zabulón laih kuma kung yakyalahwarang, kidika yakat kuma kuring balnaaiwi kanin pāni karang. Sauni lainni kiwi watwa kidika laihSidón kat karang.

¹⁴“Isacar laih tinglau di trukyang as karang turuh balna ūnina yakat yakurupwakidika.

¹⁵Witing sauni kidika talwak yamni kat, dawak bik mawingkita puhnin yamni, witing abukna salahni kidika, di trukwi dukiuna atnin yulni, dawak kidika niningyakat yulwasban muih dini yamyang kalna.

¹⁶“Dan laih witing alas muihni balnataninatuna kawarang, Israel sulani as kapat.

¹⁷Dawak Dan laih sihm bil as kapat karang, ta kungkau sakkidika dawak aras kalnitung yakat kaswa kidika dawak yamwak aras kilyang muihniruhmlakwa kidika.

¹⁸“¡Dawan yang tahatayangyalaihta yakma!

¹⁹“Gad laih witing yakat kalbauyang muihni balna niningyakatkalbabauwarang, kaunah kidika usnit kat witing yaklauwiuiwi kiwarang.

²⁰“Aser laih plawar busna mahniduwarang; dawak king balna yakat kasnin auhnikidika diawarang.

²¹“Neftalí laih sana as pini prilikkapat karang dawak walanibis balna nunuhniyaksasihn kapat.

²²“José laih pan as waskung yakatsakkapat ki, minik mahni yakwa kidika dawak tingni rahni balna kidika laihdaklana minit yakat uhr'ilna.

²³Sibang ruhmyang balna yaklauwimaisihni kaltatalwi, sibang kalruruhmwi nining ban kaluhuswi;

²⁴kaunah José laih tingni parasni duwi, lasni iswi duwasakki ban; ¡tingki as ki Jacob Papangki parasni yakat! ¡Tingkih Sīp Maintalyang ayangni yakat, Israel nanitdakyang kidika!,

²⁵¡tingkih man papangma Papangni yakat, witing ilp mawarang kidika Papang parasni bitik duwa kidikablisin mawarang! ¡Makau kisang kau blisinni kidika! ¡Kuma tuhni blisinni kau! ¡Tani dawak bāni karak blisinni kidika bik!

²⁶Papangma laih baisa blisin mana papangki balna blisin yayana karak dawakat. Asangpas ban atnin kaput kiwi watwa kat, kidika blisinni balna kidika José tunan yakat sakkarang, wirahni balna paskaupak yakwi duna kidika.

²⁷“Benjamín laih asangpassunilu anyang kapatki, mapiris yakat di laihna kidika kaswi dawak ma ulahu yakat sutni balnabayakna bangdai kidika wayah yakwi yuwi.”

²⁸Adika balna kuduh Israel sulani 12 kidika, dawak adika kuduh papangni yulna dai kidika walanbis balna yakat, witingna bitik yakat blisin diawi.

²⁹Ma as kat, Jacob yaklauwi walanibis balna yakat pakna: “Yang daunik manahki. Yanutanama muihki bararak balna yaihnitna yakat, hitita muihni Efrón witing sauni kau pasulihni sakyakat,

³⁰Canaán sauni kau yakat; yuldarang kat Macpela kauh pasulihni sakkidika yakat, Mamre muhnitkau yakat, Abraham bakanna dai kidika Efrón sauni karak libitwi, wanaihni balna bitik saunina-ū.

³¹Kidika yakat Abraham dawak Sara karak nununa, Abraham yalni, Isaac dawak yalni Rebeca bik, dawak kidika yakat Lea dai kidika nunayang.

³²Kidika sauni dawak pāni sulihni kidika bik bakanna hitita balna kaupak.”

³³Jacob yaklauwi walanbis balna yakat kaput diyulwi dawi, kalangna, bahang kaput laih mahka dauna.