Read Mayangna 1 Crónicas 12 Bible Online

1 Crónicas 12 - Mayangna bible

1 Crónicas 12

¹Devid kidika Saúl muhni kaupak kalahwi kiuna likdai mani balna yakat, kalbauyang balna kulninna dadasni buas, witing karak kapakninna dai kalbaunin yakat, bahang witingna laih Siclag pāni yakat aslah kalalahna dai.

²Adika kalbauyang muihni balna laih las kat duwa bang dai kalbaunin dini, dawak kipala āwi ruhmnin dini bik duwa bangdai, bahang kidika dini laih sibang kapat sirihni kiwadai, tingninapal kau bik dawak wadahnina kau bik yamni ruruhmwadai. Kidika muihni balna laih adika ki: Saúl wanaihni balna, Benjamín sulani kaupak:

³taninatuna laih Ahiezer, dawak Joás, Sema walanibis, Gabaa tawanni bik kaupak; Jeziel dawak Pelet, Azmavet walanibis balna; Beraca dawak Jehú, Anatot pāni kaupak dai;

⁴Ismaías Gabaón kaupak, muih ahal kulninna dadasni 30 balna kidika taninatuna as dai; Jeremías, Jahaziel, Johanán, Jozabad, Gedera kaupak;

⁵Eluzai, Jerimot, Bealías, Semarías; Sefatías, harufita muihni;

⁶Elcana, Isaías, Azareel, Joezer dawak Jasobeam, coreíta muihni;

⁷Joela dawak Zebadías Jeroham walanibis balna Gedor pāni kaupak dai.

⁸Gad sulani balna bik buas Devid yakat wiryaklalana dai, witing kauhmak wanilang kalbaunin ūni parasni yakat sakdai mani yakat. Witingna kidika kalbauyang balna kulninna dadasni dai, kalbaunin dini langsa dawak nanitna daknin dini bik duduwadai. Witing kidika kalbauyang balna kulninna dadasni dai, kalbaunin dini langsa dawak asangpas yakat kikira dai sirihni sana kapat.

⁹Witingna laih adika balna: tatuna kidika laih Ezer; usnit kidika Obadías kaupak Eliab;

¹⁰arungka yakat Mismana; singka yakat Jeremías;

¹¹tiaskauas yakat Atai; tiaskaubu yakat Eliel;

¹²tiaskaubās yakat Johanán; tiaskauarungka yakat Elzabad;

¹³salap yakat Jeremías, dawak salap minitkau as yakat Macbanai.

¹⁴Gad sulani balna adika, kalbauyang balna taninatuna dai. Witingna as kidika dibin nining yakat kulna kat ahal andat as praisni dai, dawak nuhni nining yakat kulna kat ahal tausin praisni kulna dai.

¹⁵Adika balna Jordán wasni kidika dakyaklalana dai wasma mani[42] kat was kidika nuhni palni bangwi kilkiuna tuskat, kaput laih, langni kau muih bangdai kidika bitik diayawak kikirana dai, makilwa kaupak masar kat.

¹⁶Baisa minit yakat, Judá dawak Benjamín sulani balna buas uiwi kalpapakna dai Devid karak.

¹⁷Devid niningna kauh kalahwi diyulna: “Manna kulnin lani aslah duta aiwamana kat, yang kulnik bitik kau agha manatiki yang akat aiwanauh; kauna yainin aiwamana kat, waihkila tingni yakat yahanin aiwamana kat di dutni as yamtas yang kauna, ¡mayang ma muihkibararak balna Papangni kidika talwi wah manana karang!”

¹⁸Amasai, ahal 30 taninatuna kidika yaklauwi yulna, spirit kallaihwa kat: “¡Man namang yakat kulnin aslah, Devid, Isaí walanibis! ¡Kulnin asla kidika man karak kawang! ¡Kulnin asla kidika man karak dawak tingmasut lalaihwa muihni balna karak bik, kat man Papangma kidika tingmasut laihna bahang!” Devid laihwi duwi tunan muihni balna pasyakat diana dai.

¹⁹Manasés sulani balna buas bik Devid yakat wiryaklalana dai, witing filisteo balna yakat dak'kiwi, Saúl nining kauh kalbauna mani kat. Yamna kidika Filisteo balna yakat tingninasut laihnin laih awas dai, kat tunan muihni balna kidika aslah kalahwi yulbauwi talwi, nawatwi sisihna: “¡Mayang daudak usnit kat kingni karak aslah kalalahwarang!”

²⁰Manasés sulani balna kidika Devid yakat wiryaklalana dai, Devid kidika Siclag yakat kiuna kat, kidika balna laih adika ki: Adnas, Jozabad, Jediael, Micael, Jozabad, Eliú, dawak Ziletai, Manasés muihni kalbauyang balna taninatuna.

²¹Adika muihni balna yaklauwi kalbauyang balna taninatuna kawi tingninasut lalaihna dai, kat witingna bitik laih kulninna dadasni manah dai bahang, kaput laih witingna kidika tunan muihni kakana dai.

²²Ma bitik yakat muih uiwi kakawadai Devid yakat tingnisut laihna atnin, kaput laih kalbauyang mahni kalna dai, kalbauyang balna tanit yayamni kidika, Devid duna dai.

²³Kalbauyang muihni balna aslah kalalahna dai kidika Devid karak Hebrón pāni yakat, Saúl king kawa lani kidika Devid yakat kalana atnin yulni, Dawan lani kat:

²⁴Judá sulani balna laih 6,800 dai, langsa dawak nanitna daknin dini bitik duduwa dai.

²⁵Simeón sulani balna laih 7,100 dai kulninna dadasni balna, kalbaunin dini bitik tingnina yakat dai.

²⁶Leví sulani balna laih 4,600 dai.

²⁷Minit yakat 3,700 dai Aarón wanaihni balna, taninatuna laih Joiada,

²⁸dawak Sadoc, wahma as kalbauyang kulnin dadasni, witing ūnipas kau tatuna balna dai kidika laih 22 dai.

²⁹Benjamín sulani balna, dawak Saúl sulani balna bik, bitik kat ahal 3,000 dai, kidika balna mahni kauh kidika Saúl karak yamni dai.

³⁰Efraín sulani balna laih 20,800 dai, kalbauyang muihni balna kulninna dadasni, witingna balna pasyakat ayangnina nuhni dai.

³¹Manasés sulani balna papuswayah kidika, 18,000 sihna dai Devid king kawa yakat uina atnin.

³²Isacar sulani balna, witingna di lan balna dai ais kalahwarang kidika ma balna yakat talwi amanglalawa dai, bahang kidika ahalni balna 200 dai tunan muihni balna manah, dawak yulni dakawi yayamwa muihni balna bitik.

³³Zabulón sulani balna, tausin manah 50 dai, kalbauyang muihni balna, witingna kalbaunin dini sat manas duwi uina dai, Devid yakat tingnisut laihna atnin.

³⁴Neftalí sulani balna tunan muihni balna manah tausin as, dawak kalbauyang muihni balna kidika laih 37,000 dai, kalbaunin dini langsa dawak tanitna daknin dini bitik duwi uina.

³⁵Dan sulani balna laih 28,600 dai, kalbauyang balna.

³⁶Aser, sulani balna laih 40,000 dai, kalbauyang balna.

³⁷Baisa minit yakat, Jordán wasni nakastawa yakat, 120,000 bangdai, kidika balna laih, Rubén dawak Gad sulani balna, dawak Manasés sulani balna papuswayah, kidika balna laih kalbaunin dini sat sat duwa bangdai ridi.

³⁸Adika kalbauyang muihni bitik balna, kalparwi yamni dawi uina dai hebrón yakat, Devid kidika king āna atnin; Israel balna bitik laih kidik yamnin kulna bang dai.

³⁹Witingna Devid karak kalpakwi ma bas bang dai, di kaswi dawak diwi, kat witingna aslah balna kidika di bitik ridi yayamna dai bahang.

⁴⁰Baisa minit yakat, yaihnitna kau balna dai kidika, yuldarang kat, Isacar, Zabulón Neftalí balna kidika di lahwi duwi uina dai, muyul kau ilwi, kiamil kau, turuh kau, biriku kau bik ilwi duwi uina dai. Di kasnin satni balna duwi uina dai: plawar, ani damni minik kau laihwi busna, wain, disala, turuh, sīp, di bitik mahni duwi uina dai, bahang alasna laih manas palni dai.