Read Mayangna 1 Crónicas 24 Bible Online

1 Crónicas 24 - Mayangna bible

1 Crónicas 24

¹Aarón sulani balna bik wark kaninna awarni duduwa dai. Aarón walanibis ahal balna laih adika dai Nadab, Abiú, Eleazar dawi Itamar.

²Kaunah Nadab dawi Abiú karak laih papangnina dauwas tanitkauh dadauna bahang, walaninabis ahal disdai, Eleazar dawi Itamar karak laih sumalyang warkni kidika tingnina yakat ahana dai.

³Devid witing, Eleazar sulani Sadoc dawi Itamar sulani Ahimelec ilpnina karak awar kau sahyakna dai warknina balna kidika yamna atninna.

⁴Kaunah Eleazar sulani balna kauh mahni kidika amanglalana bahang Itamar sulani balna karak dawakat, bahang amput kat kaput sahyakna dai Eleazar sulani balna kaupak tunan muihni 16 dawak Itamar sulani balna kaupak laih tunan muihni tiaskaubās.

⁵Awar balna kidika suerte karak sahyayakna dai witingna bitik kau, bahang Eleazar sulani balna paskaupak bik dawak Itamar sulani balna paskaupak bik Papang dini yakna ahalni balna wark yamyang balna kidika bangdai.

⁶Usnit kat Libait kaupak Natanael walanibis al Semaías wauhtaya ulyang kidika, king muhni yakat ayangnina ulna dai, tatuna balna ayangnina, sumalyang Sadoc ayangni, Abiatar walanibis al Ahimelec ayangni, sumalyang balna dawak Libait balna walaninabis taninatuna balna ayangnina kauna. Awar balna kidika suerte kau yayakwa dai, Eleazar sulani balna yakat laih awar bu dawak Itamar sulani balna yakat laih awar as.

⁷Suerte balna kidika yayakna kat, awar balna kidika aput wawatna dai, as kaupak 24 kat: Joiarib Jedaías Harim Seorim Malquías Mijamín Cos Abías Jesúa Secanías Eliasib Jaquim Hupa Jesebeab Bilga Imer Hezir Afses Petaías Hezequiel Jaquín Gamul Delaía Maazías

¹⁹Kaput laih awar balna kidika sahyayakna dai makat yulnin ūni yakat wark balna kidika yamna atnin, Israel Papangni Dawan yaklau la balna yamnin yulna dai kaput witingna muihnina barak Aarón munah.

²⁰Libait balna wawatna dai kidika laih adika balna dai: Amram sulani balna kaupak laih Subael; Subael sulani balna kaupak laih Jehedías;

²¹Rehebías sulani balna kaupak laih Isaías, barakni dai kidika;

²²Izhar sulani balna kaupak laih Selomot; Selomot sulani balna kaupak laih Jahat;

²³Hebrón sulani balna kaupak laih: tatuna kidika Jerías;[60] usnit kidika Amarías; bas kidika Jahaziel; dawak arungka kidika laih Jecamán.

²⁴Adika balna bik bangdai: Uziel walanibis al Micaía; Micaía walanibis al Samir;

²⁵Micaía wirahni al Isías; Isías walanibis al Zacarías;

²⁶dawak Merari walanibis ahal balna Mahli dawi Musi kauna; Jaazías walanibis ahal balna kidika Merari bik witing walanibis balna.

²⁷Merari sulani balna, walanibis al Jaazías kaupak kidika bangdai Soham, Zacur dawi Ibri;

²⁸dawak Mahli kaupak Eleazar, walabis ahal dis dai kidika,

²⁹dawak Cis kauna; Jerameel laih Cis walanibis dai;

³⁰Musi walanibis ahal balna laih Mahli, Edar dawi Jerimot. Adika balna dai Libait muihni balna walaninabis karuk dai kidika.

³¹Witingna bik sihm suerte karuk kalsahyayakna dai, tatuna walanibis balna dawak wirahni al bin kauh kidika walanibis balna karak kapat, wanaihni Aarón sulani balna bik sihm kapat, king Devid, Sadoc, Ahimelec dawak sumalyang balna dawak Libait balna walaninabis taninatuna balna kidika muhnina yakat.