Read Mayangna 1 Crónicas 25 Bible Online

1 Crónicas 25 - Mayangna bible

1 Crónicas 25

¹Usnit kat Devid dawi makat yulnin ūni yakat wark yamyang muihni balna karak yaklau wark tanit yamni kidika Asaf walanibis ahal balna Hemán dawi Jedutún yakat yakwi diana dai, witingna laih prapit yulni yuyulwa dai paswi yakisdinin dini balna dawi wisnin plitni balna kidika karak libitwi. Adika muihni balna dai, kidika warkni yakat bangdai kidika.

²Asaf walanibis ahal balna kaupak: Jacur, José, Netanías dawi Asarela. Taninatuna duwa dai kidika laih papangnina Asaf dai, prapit yulni yulwa dai kidika king yaklau yamnin yulwadai kaput.

³Jedutún walanibis ahal balna tiaskauas dai kidika: Gedalías, Zeri, Jesaías, Simei, Hasabías dawi Matatías. Taninatuna duwadai kidika laih papangnina Jedutún dai, witing laih prapit yulni yulwa dai paswi yakisdinin dini Papang yakat tingkih lani kalawi dawak ayangni nuhni yamnin dini kidika karak libitwi.

⁴Hemán walanibis ahal balna: Buquías, Matanías, Uziel, Sebuel, Jeremot, Hananías, Hanani, Eliata, Gidalti, Romanti-ezer, Josbecaza, Maloti, Hotir dawi Mahaziot.

⁵Adika balna bitik laih Hemán walanibis ahal balna king dini yamyang balna dai, Papang yaklau witing yakat pramis kalyamwi parasni nuhni kalawarang kulwi kalyulna dai kaput; rahm palni, Papang yaklau Hemán yakat walabis ahal 14 dawak walabis yayal bas kalana dai.

⁶Witingna bitik yakat Papangnina yaklau taninatuna duwa dai makat yulnin ūni warkni balna yakat unbabauwa mani kat wisnin plitni balna dawi paswi yakisdinin dini balna karak libitwi. Asaf, Jedutún dawi Hemán kidika balna laih king yaklau ais yamnin yulwa kidika yayamwa dai.

⁷Paswi yakisdinin dini paswi lan balna kidika dawak kidika pasyakat kaltalyang ūk balna Dawan yakat unbabauwa kidika balna bitik kat muih 288 dai.

⁸Bahang wark yamnin awarni balna kidika suerte kau sahyayakna dai witingna bitik kau, muihbararak karangpa kidik awaskat baisasa karangpa, lan balna karangpa kidik awaskat waralaihtakat lan kakalwa karangpa.

⁹Suerte kidika yayakna mani kat, aput wawatna dai as kaupak 24 kat: José[61] Gedalías Zacur Izri Netanías Buquías Jesarela Jesahías Matanías Simei Azareel Hasabías Subael Matatías Jeremot Hananías Josbecasa Hanani Maloti Eliata Hotir Gidalti Mahaziot Romanti-ezer Witingna muihnina kat kat wirahni ahal karuk dawak walaninabis ahal balna karuk kat muih 12 dai.