Read Mayangna 1 Crónicas 26 Bible Online

1 Crónicas 26 - Mayangna bible

1 Crónicas 26

¹Dūr maintalyang balna awarnina kidika sahyakwi diana kat, aput wawatna dai: Coreíta balna kaupak laih, Meselemías, Coré walanibis al, Coré laih Ebiasaf[62] walanibis al dai.

²Meselemías walanibis ahal balna: barakni kidika laih Zacarías; usnit kidika laih Jediael; bas kidika laih Zebadías; arungka kidika laih Jatniel;

³singka kidika laih Elam; tiaskauas kidika laih Johanán, dawak tiaskaubu kidika laih Elioenai.

⁴Obed-edom walanibis ahal balna: barakni kidika laih Semaías; usnit kidika laih Jozabad; bas kidika laih Joa; arungka kidika laih Sacar; singka kidika laih Natanael;

⁵tiaskauas kidika laih Amiel; tiaskaubu kidika laih Isacar; dawak tiaskaubās kidika laih Peultai. Kat Papang yaklau Obed-edom yakat walanibis ahal mahni karak blis kalyamna dai kidika yulni.

⁶Obed-edom walanibis al, Semaías, walabis ahal bu duwa dai kidika balna laih walanibis balna pasyakat kabamint kakawa dai kat witingna laih muih ahal kulninna dadasni dai kidika yulni.

⁷Semaías walanibis ahal balna laih adika dai Otni, Rafael, Obed, Elzabad, Eliú dawi Samaquías, muih ahal kulninna dadasni balna.

⁸Obed-edom sulani balna adika bitik, walanibis ahal balna dawak wirahni ahal balna, muih ahal kulninna dadasni dai wark yakat parasnina niningna kakawa dai kidika yulni. Obed-edom sulani balna bitik kat 62 dai.

⁹Meselemías walanibis ahal balna dawi wirahni ahal balna bitik kat 18 dai, bitik laih muih ahal kulninna dadasni dai.

¹⁰Merari sulani Hosa walanibis ahal balna: Simri, tatuna dai kidika, witing kidika walanibis al barakni awas karang bik, Papangni yaklau tatuna ana dai;

¹¹usnit kidika laih, Hilcías; bas kidika laih Tebalías; arungka kidika laih Zacarías. Hosa walanibis ahal dawi wirahni ahal balna kidika bitik kat 13 dai.

¹²Adika balna dai dūr maintalyang balna awarnina. Witingna yakat, tatuna balna kidika dawak kaltalyang muihni balna kidika bik sihm kaput makat yulnin ūni warkni kidika yayamwa dai.

¹³Dūr as yakat suerte ruhmnin kidika walabis duyang balna kat kat yayamna dai, dawak kidika pasyakat muih bararak dawak walabis bik kakana dai.

¹⁴Selemías yakat laih ma kilwa dūrni yakat kalkalahna dai suerte kidika, dawak walanibis al Zacarías yul, sumalyang muihni as sins duyang yakat laih tingpal niningkauh dūrni kidika yakat kalbukna dai.

¹⁵Obed-edom yakat laih wadah niningkauh dūrni kidika yakat kalbukna dai, dawak walanibis ahal balna kidika laih makat yulnin ūni dini pupuwa pāni balna kidika maintalnin dibukna dai.

¹⁶Hosa[63] yakat laih ma kawa niningkauh yakat kalbukna dai kilwi kiunin tani kau Salequet dūrni sakyakat. Wark balna yamnin kidika aput sahyayakwa dai:

¹⁷ma bitik yakat ma kilwa niningkauh yakat dūr maintalyang balna tiaskauas rauahawa dai, tingpal niningkauh yakat arungka, dawak di punin dini as yakat muih bu maintatalwa dai.

¹⁸Watak[64] yakat, ma kawa nining yakat, ta maintatalwa kidika laih arungka raudai dawak sihm watakni maintatalwa kidika laih muih bu raudai.

¹⁹Coré dawi Merari sulanina dūr maintalyang balna warknina kidika laih kaput sahyakna bangdai.

²⁰Libait muihni ūk balna kidika laih makat yulnin ūni lalahni balna kidika dawak minit dis kalanin dini balna maisihni dis pupuwa pāni balna kidika maintalna atnin tingnina yakat ahana dai.

²¹Laadán walanibis ahal balna, Gersón dawi Jehiel karak sulanina balna dai kidika,

²²Jehiel walanibis ahal balna Zetam dawi Joel karak makat yulnin ūni lalahni balna kidika witingna tingnina yakat dai.

²³Amram, Izhar, Hebrón dawi Uziel sulanina balna kidika niningnakauh laih,

²⁴lalah balna tingni yakat dai kidika muihni laih Sebuel dai, Gersón dawi Moses sulani.

²⁵Witing wanaihni balna Eliezer kaupak dai kidika laih adika balna dai Eliezer walanibis al Rehabías; Rehabías walanibis al Jesahías; Jesahías walanibis al Joram; Joram walanibis al Zicri; dawak Zicri walanibis al Selomit.

²⁶Selomit dawi wirahni ahal balna karak tingnina yakat dai holi dini balna pupuna dai kidika Devid yaklau, walaninabis balna taninatuna balna, kalbauyang balna uduhna as kidika taninatuna balna, dawak kalbauyang muihni taninatuna nunuhni balna kidika yaklau Dawan dini yayakna dai kidika.

²⁷Kidika dini balna laih kalbaunin balna pasyakat yayakna dai, dawak witingna yaklau makat yulnin ūni maintalnin yakat ahana dai.

²⁸Sihm kidika yakat sakdai di talyang Samuel, Cis walanibis al Saúl, Ner walanibis al Abner dawak Sarvia walanibis al Joab Papang dini yayakna balna dai kidika. Di bitik Papang dini yakna kidika Selomit dawi wirahni ahal balna karak maintatalwa dai.

²⁹Izhar sulani balna kaupak, sau ūk yakat Israel yulni wark yayamwa balna kidika, kalbauyang muihni taninatuna balna dawak wihta balna, kidika balna laih Quenanías dawi walanibis ahal balna karak dai.

³⁰Hebrón sulani balna kaupak, Israel yakat lakwi talna atnin tingnina yakat dai kidika, Jordán kaupak makawa niningkauh yakat, Dawan dini balna bitik dawak king warkni kidika bik kapat, kidika balna laih Hasabías dawi wanaihni balna karak tingnina yakat dai, muih ahal kulninna dadasni manah 1,700 dai.

³¹Devid king kana kurih 40 yakat Hebrón sulani balna walaninabis balna yakat walwi tatalna dai, dawak witingna pasyakat muih ahal kulninna dadasni bangkat yayakna dai Galaad sauni Jazer yakat. Hebrón sulani balna taninatuna laih Jerías dai;

³²wanaihni balna karak aslah, muih ahal kulninna dadasni balna kidika bitik kat 2,700 dai walaninabis balna taninatuna balna manah. King Devid yaklau diyakna dai Rubén sulani balna, Gad dawak Manasés sulani balna papus wayah kidika tingnina yakat ānin yulni, Papang karak wark yamnin balna kidika bitik yakat kidik awaskat king karak.