Read Mayangna 1 Crónicas 9 Bible Online

1 Crónicas 9 - Mayangna bible

1 Crónicas 9

¹Aput karak, Israel muihni balna bitik Israel kingni balna wauhninataya yakat ayangnina ahana dai. Kaunah Judá muihni balna laih dilaihwi Babilonia yakat diduwi uina dai witingna dutnina yulni.

²Tatuna nawat aiwi saunina yakat dawak tawannina nunuhni balna yakat yalalahna dai kidika laih adika balna dai Israel muihni balna, sumalyang balna, libait balna dawi makat yulnin ūni yakat wark yamyang muihni balna kauna.

³Jerusalén yakat watwi pa duduna dai Judá sulani balna, Benjamín sulani balna, Efraín sulani balna dawi Manasés sulani balna kauna.

⁴Judá sulani balna kaupak:[30] Amiud walanibis Utai, Amiud laih Omri walanibis dai, Omri laih Imri walanibis dai, Imri laih Judá walanibis Fares sulani balna kaupak Bani walanibis dai.

⁵Silonita balna kaupak: Asaías, walanibis balna pasyakat barakni kidika.

⁶Zera sulani balna kaupak: Jeuel dawi wanaihni balna kauna, bitik kat muih 690 dai.

⁷Benjamín sulani balna kaupak: Salú, Mesulam walanibis, Mesulam laih Hodavías walanibis, Hodavías laih Asenúa walanibis;

⁸Ibneías laih Jeroham walanibis; Ela laih Uzi walanibis, Uzi laih Micri walanibis dai; Mesulam laih Sefatías walanibis, Sefatías laih Reuel walanibis dai, Reuel laih Ibnías walanibis dai.

⁹Wanaihni balna sulani ūk ūk kau tilahna kidika, bitik kat 956 dai, witingna bitik kidika wanaihnina balna taninatuna balna dai.

¹⁰Sumalyang balna kaupak: Jedaías, Joiarib, Jaquín,

¹¹Hilcías walanibis Azarías, Hilcías laih Mesulam walanibis dai, Mesulam laih Sadoc walanibis dai, Sadoc laih Meraiot walanibis dai, Meraiot laih Ahitob walanibis dai, Papang ūni tanituna dai kidika;

¹²Jeroham walanibis Adaía, Jeroham laih Pasur walanibis dai, Pasur laih Malquías walanibis dai; Adiel walanibis Masai, Adiel laih Jazera walanibis dai, Jazera laih Mesulam walanibis dai, Mesulam laih Mesilemit walanibis dai, Mesilemit laih Imer walanibis dai;

¹³dawak wanaihnina balna 1,760 wanaihnina balna taninatuna balna dai kidika, Papang ūni yakat wark yamwi lan dai bitik kau.

¹⁴Libait balna kaupak: Hasub walanibis Semaías, Hasub laih Azricam walanibis dai, Azricam laih Hasabías walanibis dai, Merari sulani balna kaupak;

¹⁵Bacbacar, Heres, Galal dawi Micaías walanibis Matanías, Micaía Zicri walanibis dai, Zicri laih Asaf walanibis dai;

¹⁶Semaías walanibis Obadías, Semaías laih Galal walanibis dai, Galal laih Jedutún walanibis dai; Asa walanibis Berequías, Asa laih Elcana walanibis dai, netofatita balna tawannina dibinina yakat yalahna dai kidika.

¹⁷Dūr maintalyang balna kidika laih: Salum, Acub, Talmón, Ahimán. Witingna wirahnina al Salum kidika taninatuna dai

¹⁸dawak warmani kat bik, king dūrni ma kilwa niningkauh kidika maintalwi. Adika balna Libait balna ūnina labanni dūrni maintalyang balna dai.

¹⁹Coré walanibis Salum, Coré laih Ebiasaf walanibis dai, Ebiasaf laih Coré walanibis dai, dawak wanaihnina balna coreíta balna laih, holi pāni yakat kanin dūrni maintalnin kidika witingna tingnina yakat dai, sihm muhnilau kau muihnina bararak balna Dawan ūni labanni dūrni maintatalwa dai kaput.

²⁰Kidika tanit kauh, Eleazar walanibis Finees, witingna taninatuna dai. ¡Dawan witing karak karang!

²¹Meselemías walanibis Zacarías laih, Papang karak kalpaknin ūni labanni dūrni kidika maintalwa dai.

²²Dūr maintalyang balna walwi yakna kidika bitik kat 212 dai, witingna wauhtaya takat ayangnina ahana dai kaput tawan balna yakat yalalahwa dai kidika. Devid dawi di talyang Samuel karak walwi yakwi adika warkni tingnina yakat ahana dai, kat witingna karak yamni dai kidika yulni.

²³Witingna dawak walaninabis balna karak biri biri Dawan ūni dini kidika maintatalwa dai, yuldarangkat holi pāni kidika.

²⁴Sutni arungkapak dūr maintalyang balna bangdai: ma kilwa nining yakat dawak ma kawa nining yakat bik, tingpal nining yakat dawak wadah nining yakat bik.

²⁵Sulanina balna tawannina yakat yalalahwa dai kidika, aiwa dai ma tiaskaubu maintalwi ilp diana atnin yulni.

²⁶Kaunah dūr maintalyang balna tatuna arungka libait muihni balna dai kidika, witingna yakat niningh bangdai, payahnin pāni dawi Papang ūni lalahni balna kidika maintatalwa dai.

²⁷Makat yulnin ūni kidika yaihnit balna yakat payahlalawādai, kat maintalna atnin dawak mapiris bitik yakat dūr balna kidika apahna atnin tingnina yakat ahana dai kidika yulni.

²⁸Witingna kaupak buas kidika prias yakat dunin dini balna kidika tingnina yakat dai, dawak yayakwa yakat dawi amumukwa yakat bik kulwi tatalwa dai.

²⁹Uk balna kidika laih dunin dini ūk balna kidika dawak maisihni dis dini balna kidika tingnina yakat dai, baisa kidika minit yakat plawar, wain, disala, busnin walapni kidika dawak kahnin dini walapni balna kidika bik tingnina yakat dai.

³⁰Sumalyang balna buas kidika witingna ridi yayamwa dai kahnin dini balna kidika;

³¹dawak levita muihni as coreíta kaupak Salum walanibis barakni ayangni Matatías kalta kidika, witing laih ban kaput minit dis kalanin dini plawar kuruhwi buswa dai.

³²Coatita wanaihni balna buas kidika laih yakurupdinin mani[31] yakat plawar busna maisihni dis kidika ridi yamwi lakwi parna atnin kidika tingnina yakat dai.

³³Unbauyang balna bik bangdai, libait muihni wanaihnina balna taninatuna balna makat yulnin ūni pasyakat payahnin pāni balna yakat yalalahwa dai kidika, wark ūk laih yayamwas dai, kat madah pukta kidika warknina yakat dai kidika yulni.

³⁴Adika balna dai libait muihni wanaihnina balna taninatuna balna dai kidika, witingna sulanina balna kat kat Jerusalén yakat yalalahwa dai kidika.

³⁵Gabaón tawanni nuhni yakat Gabaón papangni Jehiel yalahwa dai. Yalni ayangni laih Maaca dai.

³⁶Walanibis balna laih adika dai barakni kidika laih Abdón; Zur, Cis, Baal, Ner, Nadab,

³⁷Gedor, Ahío, Zacarías dawi Miclot,

³⁸Simeam papangni dai kidika. Adika balna bik wirahnina balna lanina kidika yakat usnit uiwi Jerusalén yakat witingna karak yalalahwa dai.

³⁹Ner laih Cis papangni dai, Cis laih Saúl papangni dai, dawak Saúl laih Jonatán, Malquisúa, Abinadab dawi Es-baal papangnina dai.

⁴⁰Jonatán walanibis laih Micaía papangni Merib-baal dai.

⁴¹Micaía walanibis balna laih adika dai Pitón, Melec, Tarea dawi Acaz.[32]

⁴²Acaz laih Jara papangni dai, dawak Jara laih Alemet, Azmavet dawi Zimri papangnina dai; Zimri laih Mosa papangni dai,

⁴³dawak Mosa laih Refaías papangni Bina papangni dai, Refaías laih Elasa papangni dai, Elasa laih Azel papangni dai.

⁴⁴Azel walanibis balna laih tiaskauas dai, ayangnina laih aput dai: Azricam, Bocru, Ismael, Searías, Obadías dawi Hanán. Adika balna dai Azel walanibis balna.