Read Mayangna 2 Crónicas 27 Bible Online

2 Crónicas 27 - Mayangna bible

2 Crónicas 27

¹Jotam kurih 25 duwa kat king kana, kaput laih Jerusalén yakat kurih 16 king kana dai. Witing nanangni ayangni laih Jerusa, Sadoc walanbis yal.

²Jotam di yamna bitik kidika Dawan minikpa yakat barangni manah dai, witing papangni Uzías yamna dai kaput. Kaput kaunah Dawan ūni yakat kawasdai. Kaunah tawan muihni balna kidika laih dutni yayamwa kidika dadawasdai.

³Jotam yaklauwi Dawan ūni dūrni nuhni kidika yamna dai, dawak Ofel kau daklawi awaihna balna kidika yakat ū ūk balna bik yamna dai.

⁴Judá asangnipas balna yakat bik tawan nunuhni yamna dai, ū pararasni balna dawak makau kilwi talnin pāni balna bik yamna dai asangpas yakat.

⁵Amón kingni karak wār yayamna dai, dawak witing yaklauwi minit bayakna. Kidika kurihni balna yakat, Amón muihni balna yaklauwi witing yakat tunan minit lalah lalauna dai kilo manah tausin bās minit kau andat bās, dawak plawar minik kidika milian bu minitkau tausin manah andat bu litro, dawak cebada yaka bik sihm kaput kalana dai, kidika kaupak kurih kaina kidika yaka bik sihm kaput kalana dai.

⁶Jotam kidika parasni nuhni palni duna dai, kat witing yamna balna kidika Dawan minikpa yakat barangni dai bahang.

⁷Jotam yulni umani balna ūk kidika dawak wār kalbauna yulni balna kidika laih ulna ki Israel dawak Judá balna kingnina yulni ulna wauhnitaya yakat.

⁸Jotam witing kurih 25 duwa kat king kana, Jerusalén yakat manah kurih 16 king kana dai.

⁹Dauwak, witing muihnibararak balna yaihnitna yakat nununa, Devid tawanni nuhni yakat. Kidika usnit kat witing pāni yakat walanbis al Acaz king kana dai.