Read Mayangna Nehemías 10 Bible Online

Nehemías 10 - Mayangna bible

Nehemías 10

¹Adika muihni balna ayangnina uhulna dai, pramis yayamna wauhnitaya yakat: Yang, Nehemías, Hacalías walanibis kabamint yang dai kidika; Sedequías,

²Seraías, Azarías, Jeremías,

³Pasur, Amarías, Malquías,

⁴Hatus, Sebanías, Maluc,

⁵Harim, Meremot, Obadías,

⁶Daniel, Ginetón, Baruc,

⁷Mesulam, Abías, Mijamín,

⁸Maazías, Bilgai dawak Semaías. Adika balna laih witingna sumalyang nunuhni dai.

⁹Libait balna: Josué, Azanías walanibis, Binuy, Henadad sulani, dawak Cadmiel;

¹⁰dawak wirahni balna, Sebanías, Hodías, Kelita, Pelaías, Hanán,

¹¹Micaía, Rehob, Hasabías,

¹²Zacur, Serebías, Sebanías,

¹³Hodías, Bani dawak Beninu.

¹⁴Muih balna taninatuna: Paros, Pahat-moab, Elam, Zatu, Bani,

¹⁵Buni, Azgad, Bebai,

¹⁶Adonías, Bigvai, Adín,

¹⁷Ater, Ezequías, Azur,

¹⁸Hodías, Hasum, Bezai,

¹⁹Harif, Anatot, Nebai,

²⁰Magpías, Mesulam, Hezir,

²¹Mesezabeel, Sadoc, Jadúa,

²²Pelatías, Hanán, Anaías,

²³Oseas, Hananías, Hasub,

²⁴Halohes, Pilha, Sobec,

²⁵Rehum, Hasabna, Maasías,

²⁶Ahías, Hanán, Anán,

²⁷Maluc, Harim dawak Baana.

²⁸Tawan muihni ūk balna kidika laih, yuldarangkat, sumalyang balna, libait balna, dūr maintalyang balna, unbauyang balna makatyulnin ūni kau wark yamyang balna, dawak ūk balna witingna kaldakkalalahna dai kidika sauni muihni balna karak, Papang kulnin lani kat yamnin yulni, witingna yalnina balna, walaninabis balna uman, kulninna yakat yul kulwi tatalwa balna karak, yayal dawak ahal,

²⁹aslah kalalahna, wanaihnina balna dawak, taninatuna balna karak dawak, witingna yaklauwi Papang ayangni kau pramis yayamna, Papang lani Moisés yakat kalana dai kidika kat kiuna atnin, dawak, yamna atnin ais yulwa yakat maDakiwan lani balna kidika.

³⁰Kaput bahang, mawalakibis yayal kidika ahal diadas karang, adika sauni muihni balna yakat, kaput bik walaninabis yayal balna kidika mawalakibis ahal karak kalduduwas karang.

³¹Dawak adika sauni muihni balna aiwarangkat, yak-urupdinin mani , yakat, witingna di minik yayakna balna kidika wauhwi bakanna atnin, mayang dinina bakandas mawarang, yak-urupdinin mani, dawak, ma ūk karang bik alasna mani, kaput bik laih di minik balna kidika dudas karang dawak, mayang dunin (tras) dai kidika bik dādak diswarang.

³²Kaput bik mayang silp kulnamayang, kurih kaiwa balna bitik yakat lalah gramos arungka kalana atnin, mayang ma Papangki ūni yakat yusyamna atnin yulni:

³³plawar busna, Papang muhni yakat lakwa kidika, kaput bik ma bitik yakat di minik duaiwa kidika minitdis dini dawak sakripais buswa kidika ma bitik yakat, kaput bik sakripais ūk yamwa kidika, yak-urupdinin mani yakat, waiku wisam mani yakat, dawakat alasna mani balna ūk duduwa dai kidika, kaput bik minitdis kalanin dini muih bitik yayamwa dai kidika, dutnidis danin yulni sakripais buswa dai kidika, Israel dutni yamwa yulni, dawak makatyulnin yayamwa bitik Papang ūni yakat.

³⁴Baisa kidika minit yakat, sumalyang balna, libait balna, dawak muih balna bitik, dawak yangna wanaihkina balna kidika mahni ampus kat, dawak suerte laktik talnayangna, kuh dukiuna atnin kidika kurih balna kaiwa bitik yakat, Papang ūni yakat, sakripais busnin mani balna ana kidika, Mapapangki Dawan pāni, sakripais bubuswa yakat, dawak la yakat ulna kaput.

³⁵Kaput bik yulna mayang, kurih bitik yakat, di minik balna tatuna kalahwa kidika, Dawan ūni yakat dukiuna atnin, dawak pan minik kalahwa balna kidika bik,

³⁶dawak kaput bik, Papang ūni yakat dukiuna atnin mawalakibis tatuna balna kidika, dawak turuh walanibis tatuna yayakwa balna kidika bik, sīp balna bik, la yakat ulna kaput, sumalyang balna makatyulnin ūni yakat di yayamwa balna muhnina tani yakat.

³⁷Kaput bik laih yangna yulnayangna, Papang ūni kau di uiwi pupuwa yakat uitik āna atnikna, sumalyang balna dinina, plawar minik tatuna kalahwa kidika, dawak pan minik tatuna yakwa balna kidika, wain wasni tatuna yakwa kidika, disala bik, libait balna yakat diana atnin, sahyakna salap, di minik yakda balna bitik, kat witingna yaklauwi di dahna pāni balna bitik yakat uiwi sahyakna salap kidika yayakwa bahang.

³⁸Libait balna, sahyakna salap kidika yakna uiwarang yakat, sumalyang as Aarón sulani kat kalpakwi uiwarang ki. Usnit kat libait balna yaklauwi duwi uiwarang Papang ūni yakat, sahyakna salap yayakna kidika kaupak watwi sahyakna salap as yakwi,

³⁹kat Israel balna, dawak libait balna witingna laih duwi uiwi plawar minik, wain dawak disala, di pupuwa ūni yakat, bahang kidika yakat laih Papang yakat di kalalana kidika bangki, dawak sumalyang wark kalahyang balna, dūr maintalyang balna, unbauyang balna. Dawak yangna pramis yamnayangna, Papang ūni kidika ruhmwi danin-awas.