Read Mayangna Nehemías 11 Bible Online

Nehemías 11 - Mayangna bible

Nehemías 11

¹Tawan wihnita balna kidika Jerusalén yakat panina duduna; dawak tawan muihni balna kidika suerte ruhmwi tatalna, ū salap kaupak muih as as kalahwi, Jerusalén tawanni maisihnidis yakat kiwi yalahna atnin yulni, dawak ū tiaskauarungka kidika tawan ūk balna yakat yalahna atnin.

²Usnit kat, tawan yaklauwi blisyamna angdika muihni balna, witingna silp kulninna Jerusalén yakat watwi yalahnin kukulwa balna yakat.

³Kidika kaupak tanityakat, tunan muihni balna watwi saunina yakat nawatwi Jerusalén yakat ūnina duduna kidika. Judá tawanni nunuhni balna yakat wawatna, Israel balna, sumalyang balna, libait balna, makatyulnin ūni yakat wark kalahyang balna, dawak Salomón dini yamyang balna sulanina, witingna bitik tawannina kat kat, dawak saunina kat duduna dai.

⁴Judá sulani balna, dawak Benjamín sulani balna buas Jerusalén yakat yalalahna kidika, Judá sulani balna: Ataías laih, Uzías walanibis al dai, dawak Uzías laih Zacarías walanibis al, dawak Zacarías laih Amarías walanibis al, dawak Amarías laih Sefatías walanibis al, dawak Sefatías laih Mahalaleel walanibis al, Fares sulani;

⁵dawak Maasías laih Baruc walanibis al dai, dawak Baruc laih Colhoze walanibis al dai, dawak Colhoze laih Hazaías walanibis dai, dawak Hazaías laih Adías walanibis al dai, dawak Adías laih Joiarib walanibis al, dawak Joiarib laih Zacarías walanibis, dawak Zacarías laih Siloni walanibis al dai.

⁶Fares sulani balna bitik watwi Jerusalén yakat yalalahna kidika laih, andat arungka minitkau muihasluih bās, minitkau salap, minitkau tiaskaubās. Kidika ahalni balna bitik kidika laih war kalbauyang muihni balna dai.

⁷Dawak Benjamín sulani balna laih: Salú, witing laih Mesulam walanibis al dai, dawak Mesulam laih Joed walanibis al dai, dawak Joed laih Pedaías walanibis al dai, dawak Pedaías laih Colaías walanibis al dai, Maasías walanibis al dai, dawak Maasías laih Itiel walanibis al dai, dawak Itiel laih Jesaías walanibis al dai;

⁸dawak wirahni ahal[11] balna Gabai dawak Salai. Witingna bitik kat: andat tiaskauarungka, minitkau, muihasluih arungka, minitkau salap, minitkau tiaskaubās.

⁹Witingna taninatuna laih Joel dai, Zicri walanibis; dawak Judá laih Senúa walanibis, witing kidika laih, tunan muihni tatuna kaupak usnit kidika witing dai, tawan nuhni pasyakat.

¹⁰Sumalyang balna: Jedaías, witing laih Joiarib walanibis dai, Jaquín,

¹¹dawak Seraías, witing laih Hilcías walanibis, dawak Hilcías laih Mesulam walanibis, dawak Mesulam laih Sadoc walanibis, dawak Sadoc laih Meraiot walanibis, dawak Meraiot laih Ahitob walanibis, witing kidika laih, Papang ūni yakat tunan nuhni palni dai.

¹²Dawak kaltalyang balna, makatyulnin ūni yakat wark kalalahwa dai kidika, andat tiaskaubās minit kau muihasluih, minitkau tiaskaubu dai, dawak Adaías, Jeroham kidika Pelaías walanibis dai, dawak Pelaías kidika Amsi walanibis dai, dawak Amsi kidika Zacarías walanibis dai, dawak Zacarías kidika laih Pasur walanibis, dawak Pasur laih Malquías walanibis.

¹³Witing wanaihni balna, ū tunan muihni balna bitik kat andat bu minitkau muihasluih bu, minitkau bu dai; dawak Amasai laih Azareel walanibis, dawak Azareel laih Azai walanibis dai, dawak Azai laih Mesilemot walanibis, dawak Mesilemot laih Imer walanibis. walanibis al.

¹⁴Witing wanaihni balna kidika laih war kalbauyang muihni balna dai, bitik kat, andat as minitkau muihasluih, minitkau tiaskaubās dai, dawak tanituna laih Zabdiel Gedolim walanibis dai.

¹⁵Libait balna: Semaías, witing laih Hasub walanibis dai, dawak Hasub laih Azricam walanibis, dawak Azricam laih Hasabías walanibis, dawak Hasabías laih Buni walanibis dai;

¹⁶Sabetai dawak Jozabad, witingna laih libait balna taninatuna dai bahang witingna laih, Papang ūni kaupak ahnikau wark balna kidika tunan duduwa dai;

¹⁷Matanías laih Micaía walanibis al dai, dawak Micaía laih Zabdi walanibis dai, dawak Zabdi laih Asaf walanibis dai, bahang witing laih unbauyang balna taninatuna dai, tingkih yulwi makatyuyulwa-mani balna yakat unbabauwa dai; Bacbuquías, witinglaih kalwanaih balna pasyakat, tatuna kaupak usnit kidika laih witing dai, dawak Abda laih Samúa walanibis dai, dawak Samúa laih Galal walanibis dai, dawak Galal laih Jedutún walanibis dai.

¹⁸Libait balna bitik, tawan nuhni maisihnidis yakat wawatna kidika laih andat bu, minitkau muihasluih arungka, minitkau arungka dai.

¹⁹Dūr maintalyang balna: Acub, Talmón dawak wanaihni balna dūr maintalwa kidika bitik kat, andat as minitkau muihasluih bās, minitkau salap minitkau bu.

²⁰Israel as balna bitik kidika, dawak sumalyang balna, libait balna kidika laih Judá pāni kau tawan ūk balna yakat panina duduna dai, dawak bitik laih saunina duduna dai;

²¹makatyulnin ūni yakat wark kalahyang balna kidika taninatuna laih, Ziha dawak Gispa dai, bahang witingna laih panina duduna dai, Ofel yakat.

²²Jerusalén yakat, libait balna taninatuna laih Uzi dai, witing laih Bani walanibis dai, dawak Bani laih Hasabías walanibis, dawak Hasabías laih Matanías walanibis, dawak Matanías laih Micaía walanibis dai, dawak Micaía laih Asaf walanibis dai bahang witingna laih unbaunin balna kidika tunan duduwa dai Papang ūni yakat.

²³Kat king yaklauwi dipakna dai ma bitik yakat unbauyang warknina kidika.

²⁴Wark ais ais balna yamnin kat king muhni yakat dukiwa kidika laih Petaías dai, Mesezabeel walanibis, dawak witing laih Zera sulani dai, Judá sauni kaupak.

²⁵Judá muihni balna buas Quiriat-arba yakat wawatna dai kidika, Dibón, Jecabseel,

²⁶Josué, Molada, Bet-pelet,

²⁷Hazar-sual, Beerseba,

²⁸Siclag, Mecona,

²⁹En-rimón, Zora, Jarmut,

³⁰Zanoa, Adulam, Laquis dawak Azeca, witingna tawanninabin bik duduwa dai, dawak saunina bik. Beerseba kaupak panina duduna dai, Hinom sauni langni kat.

³¹Dawak Benjamín muihni balna laih Geba yakat panina duduna dai, dawak Micmas, Aía, Betel dawak tawannina binina kidika bik;

³²Anatot yakat bik, Nob, Ananías,

³³Hazor, Ramá, Gitaim,

³⁴Hadid, Seboim, Nebalat,

³⁵Lod, Ono, dawak di yamyang balna saunina langnikat.

³⁶Baisa minit yakat, libait balna as as, sau diayana dai, Judá dawak Benjamín sauni pasyakat.