Read Mayangna Nehemías 12 Bible Online

Nehemías 12 - Mayangna bible

Nehemías 12

¹Adika sumalyang balna dawak libait balna nawatwi aina dai kidika karak Zorobabel, Salatiel walanibis balna, dawak Josué karak: sumalyang balna: Seraías, Jeremías, Esdras,

²Amarías, Maluc, Hatus,

³Secanías, Rehum, Meremot,

⁴Ido, Gineto, Abías,

⁵Mijamín, Maadías, Bilga,

⁶Semaías, Joiarib, Jedaías,

⁷Salú, Amoc, Hilcías dawak Jedaías. Adika balna laih sumalyang balna kidika taninatuna balna dai, dawak sulanina balna kidika bik Josué mani balna dai yakat.

⁸Libait balna: Josué, Binuy, Cadmiel, Serebías, Judá dawak Matanías, witing laih wanaihni as yakarak unbaunin balna kidika tunan duwa dai;

⁹Bacbuquías dawak ūni karak laih witingna kidika muhnitna yakat bangdai warknina balna kidika yamwi.

¹⁰Josué laih Joiacim papangni dai, dawak Joiacim laih Eliasib papangni, dawak Eliasib laih Joiada papangni,

¹¹dawak Joiada laih Johanán[12] papangni, dawak Johanán laih Jadúa papangni.

¹²Joiacim mani balna yakat, sumalyang balna, dawak ū tunan duyang balna kidika laih: Seraías, Meraías balna dai, kaput bik laih Jeremías dawak Hananías bik;

¹³Esdras dawak Mesulam balna bik; Amarías dawak Johanán balna bik;

¹⁴Melicú dawak Johanán bik; Sebanías dawak José bik;

¹⁵Harim dawak Adna; Meraiot dawak Helcai balna bik;

¹⁶Ido dawak Zacarías kidika balna bik; Ginetón dawak Mesulam bik;

¹⁷Abías dawak Zicri bik, Miniamín, ...;[13] Moadías dawak Piltai bik;

¹⁸Bilga kaupak Samúa; Semaías kaupak Jonatán;

¹⁹Joiarib kaupak Matenai, Jedaías kaupak Uzi;

²⁰Salai kaupak Calai; Amoc kaupak Eber,

²¹Hilcías kaupak Hasabías; dawak Jedaías sulani balna laih Natanael.

²²Eliasib, Joiada, Johanán dawak Jadúa, kaput bik Persa kingni Darío kana kat bik, libait balna kidika, ū tunan duyang balna kapat kulna dai, kaput bik sumalyang balna yakat bik kaput dikulna dai.

²³Kaput bik libait ū tunan duyang balna kidika laih yul umani balna uhulwa wauhnitaya yakat ayangnina uhulna dai, Eliasib walanbis walanibis Johanán mani balna dai yakat.

²⁴Libait balna taninatuna: Hasabías, Serebías, Josué, Binuy[14] dawak Cadmiel, dawakat witingnakarak aslah balna kidika laih muhnitna yakat bangdai, Dawan yakat ayangni nuhni yamwi, kaput bik tingkih kalyulnin, witingna warknina yamnin kidika awarni kiwi kawak, Papang dini yamyang Devid yulna dai kaput.

²⁵Dūr maintalyang muihni balna: Matanías, Bacbuquías, Obadías, Mesulam, Talmón dawak Acub.

²⁶Adika balna witingna dai, Josué walanibis, kaput bik Josadac mani, Joiacim mani balna dai yakat; kaput bik laih kabamint Nehemías, dawak maestro Esdras mani balna dai yakat.

²⁷Jerusalén daklana balna kidika Papang tingni yakat ānin mani kaikana kat, libait balna bitik wawalna dai panina kat kat ki, kaput laih bitik duwi uina dai Jerusalén yakat, daklana balna Papang tingni yakat ahawa kidika, yulni unbauna atnin, lingnin plitni balna kau, pasnin dini kau, dawak satni ūk balna karak bik.

²⁸Dawak libait[15] unbauyang balna kidika Jerusalén yaihnitkau yalalahna dai kidika kaupak uina dai, kaput bik laih Netofa kau tawan dibinina kaupak bik uina dai,

²⁹Gilgal kaupak, Geba sauni kaupak, dawak Azmavet kaupak bik; kat unbauyang balna kidika, witingna Jerusalén yaihnit yakat tawan binina yayamna dai.

³⁰Kaput laih, sumalyang balna dawak libait balna witingna kalsuhwi kalalahna. Usnit kat, tawan yakat muih balna yakat sahwi yayakna, kaput bik laih tawan dūrni balna bik, dawak daklana balna kidika bik.

³¹Usnit kat, yamnayang, Judá tunan muihni balna kidika, daklana minit yakat kilna atnin, dawak unbauyang balna kidika bu sahyakna yang sahyakna as tatuna kidika laih daklana minit munah lapakwi uina tingpal nining yakat, kaput bik bubuh ruruhmwa dūrni yakat.

³²Unbauyang balna uiwa dangnitna yakat, Osaías kiuna dai, Judá tanituna balna papuswayah karak kalpakwi, yuldarang kat,

³³Azarías, Esdras, Mesulam,

³⁴Judá, Benjamín, Semaías, dawak Jeremías balna karak.

³⁵Sumalyang balna kidika laih, trumpit puhyang balna karak uina dai: Jonatán walanibis Zacarías, bahang witing muihninabarak kidika laih Semaías, Matanías, Micaías, Zacur dawak Asaf, kaupak dai.

³⁶Dawak minit yakat wanaihnina balna Semaías, Azarael, Milalai, Gilalai, Maai, Natanael, Judá dawak Hanani, witingna balna laih, unbaunin dini balna Devid Papangni yakisdadai kidika, witingna yakikisda dai. Witing muhnitna yakat maestro Esdras kidik kakiuna dai.

³⁷Dawak ta dakyaklawa kau ūk dai kidika, dawak kidika kaupak, tanit kau kiwakat daklana maluih yakat, ta kilitna kau kilwi yaklalana Devid tawanni nuhni yakat, kaput bik king ūni Devid kawa dai kidika, dawak kidika kaupak was dūrni kat, bahang kidika laih ma kilwa nining yakat sakki.

³⁸Unbauyang balna sahyakna bu kidika laih, wadah nining yakauh lapakwi uina dai. Yang unbauyang balna dangnitna yakat yawanayang dai, daklana minit munah, muih papuswayahna balna yakarak, di āwi bubuswa pāni kaupak, daklana panuhni kat.

³⁹Efraín dūrni munah bayayakna, kaput bik Jesana dūrni, dawak waspadini dūrni munah bik, dawak Hananeel witing makau kilwi talnin pāni yamna munah, dawak makau kilwi talnin pāni ūk ayangni andat, munah bayayakna, kidika kaupak sīp balna dūrnina kat uina; dawakat kalbauyang balna dūrnina kat yawik watnayangna.

⁴⁰Usnit kat unbauyang balna kaluduhna bu kidika, panina duduna Papang ūni yakat, dawak yang bik paki dunayang, kabamint muihni kalna papuswayah karak kalpaktik yawanayang dai balna karak.

⁴¹Sumalyang balna, trumpit puhyang balna laih adika balna dai: Eliacim, Maaseías, Miniamín, Micaías, Elioenai, Zacarías, Hananías,

⁴²Maasías, Semaías, Eleazar, Uzi, Johanán, Malquías, Elam, dawak Ezer. Dawak unbauyang balna taninatuna duna kidika laih Izrahías, bahang kaput laih unbabauna dai.

⁴³Kidika mani sakripais mahni yayamna dai, dawak muih balna kidika alasna nuhni duduna, kat Papang yaklauwi alasnina kidika diana dai bahang. Yayal dawak walabis balna bik alasna kalalahna dai, Jerusalén yakat alasna duduna kidika naikau bik dakakawak lāih dai.

⁴⁴Kidika mani muih walwi yakwi ahana dai, minitdis kalawa kidika maintalnin, di minik balna tatuna kalahwak duahaiwa balna, salap lalauwa kidika bik maintalnin, bahang kaput laih tawan nunuhni balna kaupak kaiwa balna bitik kidika uduhna atnin, sumalyang balna dawak libait balna dinina; kat Judá muihni balna kidika isningnalak dai bahang, sumalyang balna dawak libait balna wark kalalahwa niningnayakat.

⁴⁵Witingna balna dawak unbauyang balna, dūr maintalyang balna, witingna yaklauwi prias yayamwa dai bahang Papang ayangni kau, kaput bik suhwi yaknin lani bik yayamwa dai, Devid yaklauwi amput mayamnin yulna dai kaput dawakat witing walanibis Salomón bik yulna dai kaput.

⁴⁶Sara mani balna dai yakat, yuldarangkat Devid dawak Asaf mani balna dai yakat, unbauyang balna taninatuna kidika tulu dai, unbauwi Papang ayangni nuhni yayamwa, dawak tingkih lani bik yayamwa dai Papang yakat.

⁴⁷Kaput bahang Zorobabel dawak Nehemías witingna manina dai yakat, Israel balna bitik yaklauwi unbauyang balna, dūr maintalyang balna, kaput bik libait balna yakat bik kasninna kidika ma bitik yakat duaiwi diayawa dai, dawak Aarón sulani balna yakat bik kaput diayawa dai.