Read Mayangna Job 11 Bible Online

Job 11 - Mayangna bible

Job 11

¹Yul mahni yulwada kidika niningyakat nangnitlana as kalnin ki, yul mahni yulda kidika yulni marahmki dudaski.

³¿Man kultaman laih yul mahni yultada yulni yangna ap datanaki, dawak muih as bik sip-awasyah sarahni yultada kidika nangmatlanin?

⁴Man yultaman, lāma balna laih barangni, dawak man alas muihma kidika kalkultamahn di dutni asbik disman.

⁵¡Yamni karang Papang nangmatlawarang kat!

⁶Sins lani tuhni balna amput amanglanin kidika namangkawitdai, amanglanin dadasni balna kidika.[17] Kaput dai katlaih talnamdai Papang mawiswas kidika, kasak mawisnin dai kauna.

⁷¿Sip kultamahn Papang di taldas balna yamwa kidika amanglanam, dawak witing muihni yakat bik āwinin kultamahn?

⁸¿Ais yamnin sip-mahn makau kisang kapat tanit maluihni kidika? ¿Man ais amanglataman, pa kudungni tuhni kapat tanit tuhni kidika?

⁹Sau adika karak tanit nuhni ki, dawak kuma karak dawak tanit panuhni ki.

¹⁰Papang kaiwi laihwi dukiwi lāni yamwarangkat, ¿wais sipyah laihwi dakyaknin?

¹¹Witing amanglawi wais alas muihni kidika; witing di dutni balna kidika talwi, ¿kidika awaskat man kultaman witing amanglawas ki?

¹²Biriku wail kidika witing limahni kalwarangkat, kidika mani tapdadas kidika yul kulwi talwarang.

¹³Barangni atnin kidika kulta, dawak Papang yakat bukta kalyulta.

¹⁴Dutni kidika truktaman kat, man kaupak naikau yakpamta; dutni kidika man ūma yakat pa kalawinih.

¹⁵Kaput laih muhma kidika maisihnidis wauhlawa talma, dawak ismanglak yamadutas sak-awama;

¹⁶dalani wauhtaman kidika dapamtang diswarang, sihm was murwi bayakkiwa kapat damatkahna karang.

¹⁷Man sangmaka kidika yaringni kalna karang matunak yaringni duwa kapat tanit; man awarma balna puksani kidika ma kilkalahwa kapat kalna karang.

¹⁸Tani tahanin kidika kulnam yakat duma, dawak ismanglak sangka awama; Papang mainmatalwakat[18] ismanglak amama.

¹⁹Yalahda wingmata puhtang kat di asbik bilmalauwas karang. Muih manas aiwi ilpma wawalwarang.

²⁰Muih dudutni balna kidika laih dauh ilp wawalna karang, yakmaldinin pāni bik yayakwas karang, dawakat dauninna manah tanitna yakat tahana karang.