Read Mayangna Job 19 Bible Online

Job 19 - Mayangna bible

Job 19

¹¿Mampat kat manna yulmana kau dalani yatamana kidika datanamayah?

³Wat wat yaustamana; ¿asalmana disyah kaput yayultamana kidika?

⁴Yang dutni yamnayang karang bik, dutki kidika yang akat manah yalaihwarang ki.

⁵Manna laih baisa tanit yamni kaldakamana yang karak dawakat, dawak yang wauhtayang kidika muhki kat yakta yultamana.

⁶Manna yamni dakanauh, Papang yaklauwi kaput yayamwi, witing yaklauwi yayamwak laihnin dini pasyakat buknayang.

⁷Yang sarahtayang: “¡Yaihiwi!”, kauna muih as bik nangkitlawas ki, yang ilp yulting bik muih as bik la kat kidika yamwas ki.

⁸Papang yaklauwi taki kidika putna, yang amanglatas atnik kidika yulni; yang taki balna kidika laih puksani manah kalna.

⁹Yang diki yayamni balna kidika bitik yadakyakna; kraunki bik yadakyakna.

¹⁰Tanit daukalna dutni palni yakat yadana; ¡yang tahanik rikni balna kidika bitik dis yamna!

¹¹Kulnin daukalna kidika yang mikit yakat dawak kaina, dawak yang adika witing waihnilayang kapat yayamna.

¹²Kalbauyang muihni balna duwa bitik kidika yang nikingyakat aina; yang ūki yaihnit yakat ya-awaihdadakna, dawi ridi kakalna yakalbauna atnin.

¹³Papang yaklauwi yamna, wirahki balna dawak muih kaltalyang yamni balna dai kidika bitik yangkaupak alahwi uina atnin, dawak muih as taldas kapat yayamna atnin.

¹⁴Yang wanaihki balna dawak kaltalyang yamni balna dai kidika bitik yaruhmwi dadana; yang ūki yakat kakawa balna dai kidika bik yang adika dinitna kahna. Dawak diki yamyang balna dai kidika muih ūk kapat yatatalwi; amangkilalawaski.

¹⁶Diki yamyang as kau kalyulki bik nangkitlawas ki, wat wat kalyultik kalni dinit yakat bukki bik.

¹⁷Yang yalki yaihnit yakat yawingkat, yakangwi; yang walakibis balna[27] palni bik dutni yatatalwi.

¹⁸Walabis binina bitik dutni yatatalwi, yang lawaki karang kat dutni yayuyulwi.

¹⁹Yang kaltalyang tanit yayamni dutayang balna dai kidika bitik dutni yatatalwi; dalani talayang muihni balna kidika nikingkauh yaklalauwi.

²⁰Yang ukitak kidika wakalki karak libitna ki, ban dalani wauhtik sangkayang.

²¹Mikun yatalnauh, manna kaltalyang yamni mayang kidika, kat Papang tingni kidika dawak mikit yakat bukna.

²²¿Manna bik aisyamta yauita aiwamana, Papang yamwa kapat? ¿Manna manas palni yakasnamana awasyah?

²³¡Yamni kitdai muih as yang yulki balna kidika, di dadasni kau duwi ulna katlaih!

²⁴¡Yamni kitdai muih as ayan daknin dini kau lit kidika awaskat kipala yakat tiswi ulna kat laih ban kaput atnin!

²⁵Yang amanglatayang nakitdakyang kidika laih sangka ki, bahang witing laih yang lakiyar karangki sau akat.

²⁶Yang ukitak kidika dakwi bukwarang bik, yang palni, Papang kidika talna awaki.

²⁷Yang silp mikpa kau talna atnikki, yang silp talki ki, muih ūk awaski. Yang paraski kidika witna

²⁸manna yulbautanang dakingkat: “¿Mayang amput uidi mawarangyah? Manna dutmana kidika laih sihm kidika yakat sakki.”

²⁹Kauna isparah kidika laih yamadutayang, Papang laih isparah kau duwi wah diawa kidika dutni kidika yakat. Manna yamni dakanauh, muih as sakki la yamyang.[28],