Read Mayangna Job 26 Bible Online

Job 26 - Mayangna bible

Job 26

¹¡Ais amput muih minikunni yakat ilp kalaninyah, laihwiyakna atnin uman parasni dis dana yakat!

³¡Amput yul sumalnin sipyah, dawak muih di amanglawas yakat sumalna atnin!

⁴¿Wais ilp mawak adika yulni balna yultamahn? ¿Wais kulnam yakat āwak kaput yulbautaman?

⁵[43]Dauna balna kuma tuhni yakat bangkidika, muihsak dauwi yamaduduwi kuma tuhni yakat.

⁶Sau-ū, dauna balna panina, Papang muhni yakat malni as bik diski.

⁷Papang yaklauwi makau kisang[44] kidika yamna, di dis kaupak, dawak sau kidika alahwitna di dis kaupak.

⁸Witing yaklauwi was kidika mukus yakat āwi, kauna mukus kidika sip biswaski was tikini kidika yaklauwi;

⁹waiku[45] kidika puksani kalwi mukus yaklauwi putwakat;

¹⁰kuma muhni kawilak kidika yakat lain as āna kapat ki yaringni dawi puksani walsah yakat.

¹¹Papang, kidika nining yakat yaklauwak, yamaduwi yukwi, asang balna minit yakat makau kisang taihwa kidika.

¹²Witing parasni kau kuma kidika taihwi duwi; dawak witing sinsni sirihni kau di anyang dutni Rahab[46] kidika yakat minit bayakna.

¹³Witing wingnita kau puhwakat makau kisang kidika ahni manah dana; dawak witing tingnikau bil kidika ina.

¹⁴Dawak adika laih witing warkni yamna balna kidika aslah ki; dawakat dakanamayang kidika yulni manah. ¿Wais amanglanin sipyah alniwana parasni kidika?