Read Mayangna Job 34 Bible Online

Job 34 - Mayangna bible

Job 34

¹Manna, sins nuhni duyang balna, yang yulki balna kidika dakanauh.

³Matapaki sumani kidika laih yul balna kidika sat sat dakawi, sihm maduraki di auhni sat sat dakawa kapat.

⁴kaput bik laih adika dini laihdi taldang dawak mayang amput yamni talda yakat yamnin.

⁵Job witing yulwi: “Yang dutni as bik yamtasyang, kaunah, Papang yaklauwi yang akat la kat yamni kidika dukih kalwaski.

⁶Alas as ki, yang dutni yamtasyang atnin kidika; yang yadakna balna kidika yamlawaski, dutni yamtasyang bik.”

⁷¡Muih as bik diski Job kapat! Papang yakat sarahni kalyulwi, muih as was diwa kapat;

⁸muih dudutni balna karak kalpakkih kalawi, muih dudutni balna karak lik-atnin.

⁹Yulwi, muih al kidika di as bik duwas ki Papang kulnin lani yamnin kidika.

¹⁰Kaunah manna, muih sins duyangmana kidika, yadakanauh. ¡Kulnin bik awaski, Papang Parasni nuhni bitik duwa kidika, dutni yamwi, kidika awasbik la kat yamwas ki!

¹¹Witing yaklauwi, muih balna minitnalauwi warknina yayamna kaput; witingna duninna ampus kidika kat diawi.

¹²Rahm kidika, Papang parasni nuhni bitik duwa kidika dutni as bik yamwas ki, dawak la awas kidika bik;

¹³muih as kaupak duwaski parasni kidika sau bitik minit yakat kabamint kanin kidika.

¹⁴Muih ahal yakat didakyakwarang kat sangninaka ururupwa kidika, witingna bitik kapapat dadauwarang dawak watwi sau yahamni kakalwi.

¹⁶Man sins dutaman kat yadakah; yulki balna kidika yamni dakah.

¹⁷Papang, la kat kidika maisihni talwarangkat, witing sip king kāwaski. ¿Amput sipyah, daunin yakat wirlanam, muih as la kat palni kidika?

¹⁸King balna dawak muih nunuhni balna kidika dudutni karangkat, Papang laih kidika balna muhnina yakat yaknin kidika laihwatwas ki.

¹⁹Witing kabamint balna yaihnitna yakat yaklawas ki, di duyang balna yakauh tanit ilpnina yamwas awaski, muih miniknakunni balna karak dawakat, kat witing yaklauwi kidika balna bitik yamna bahang.

²⁰Muih ahal balna kidika sirihni dadauwi, pukta balna pasyakat; muih balna kidika pini kiri yaklalauwi dawak dislalawi; parasni nuhni duwa muihni kidika ipamna ki, kaunah kidika muih parasni kau duwi yamwas ki.

²¹papang yaklauwi talwi muih al lapakwa kidika dawak angkat kiwa balna kidika bitik amanglawi.

²²Puksani kidika diski muih di dutni yamyang kidika kalmalnin.

²³Papang yaklauwi mani awaski muih al yakat witing muhni yakat kiunin, la kau.

²⁴Yamni tanka walwi talnin bik diski nunuhni balna kidika tukwi laknin dawak kidika pāni yakat muih ūk ānin.

²⁵Papang amanglawi yayamwa kidika, pukta yakat kiwi iwi.

²⁶Muih dudutni kaput bik wiswi, muih bitik muhnina yakat,

²⁷kat yulni dakakih diawas dai bahang witing yaklauwi la diawa yakat dukih diawas dai.

²⁸Yayamwak, muih miniknakunni dawak tataihwa balna sararahwa kidika Papang kat kilwi kana dai, dawak witing dakana.

²⁹Kaunah Papang ap dawarang kat, ¿wais yaklauwi daunin yakat diwirlawarang yah? Muhni malwarang kat, ¿wais sipkarang yah talnin? Witing maintalwi[61] tawan balna dawak muih muihnina kat kat bik

³⁰kaput laih tawan minit yakat kabamint kawi muih dutni kat alas diyulnin awas yulni.

³¹¿Papang yakat kalyulnaman katpah: “Dating alas yayulna; wattik dutni yamtas awaki.

³²Dutni balna yamna kat sip talasyang kidika nikingkatah. Dutni yamnayang kat, wattik yamtas awaki”?

³³¿Papang yaklauwi mamat mawarang kultamahn amput yamni talaman kaput, man lawa ruhmta danaman karang bik? Uman man lawa kulnam lani balna ataman bahang, yang laih awaski, yanayultah, amanglataman kidika.[62]

³⁴Ahal sins nuhni duyang balna yadakakawi, dawak muih sins duyang balna kidika yayuyulwarang:

³⁵“Job yulbauwi di amanglawas; yulbauwa balna kidika sins lani diski.

³⁶¡Job kidika tuhni palni kau laihwi talnin, kat witing yulwa balna kidika laih muih dutni as kapat yulwi!

³⁷Job laih dutni yamyang manah awaski, kaunah kulnin dutni ki; mamuhki kat, Papang kau sarahni kalyulwi dawak witing karak kalbilwi.”