Read Mayangna Job 35 Bible Online

Job 35 - Mayangna bible

Job 35

¹¿Job, la kat kapat talamahn, yultaman kidika Papang yaklauwi rahmma kidika manin?

³Man Papang yakat kalyulnaman: “¿Man ais kulmayah, yang dutni yamki kat? ¿Angdika dutni mawih[63] yang dutni yamnayang kidika yulni?”

⁴Bahang, yang lawik nangmatlaki man yakat, dawak man karak kaltalyang yamni mana balna yakat bik.

⁵Yamni talah makau kisang yakat, talah, maluihni ampus duwih mamat kau mukus balna kidika.

⁶Dutni yamma kat, kidika laih Papang yakat dutni kalyamtasman; dutni kidika mahni yamma bik, witing yakat di as bik kalyamtasman.

⁷Dawak, yamni yamma bik, witing yakat di as bik kalatasman; witing yakat ilp as bik kalatasman.

⁸Kidika laih muih ahal man kapat balna yakat dutni diyamtaman dawak kidika balna yakat kuduh warkma yamni balna kidika kaupak ilp duduwa kidika.

⁹Tikini ditaihwa kidika yulni muih ahal balna kidika sararahwi dawak wawalwi dilaihwi yakna atnin, parasni nuhni duyang balna kidika kaupak;

¹⁰kaunah witingna wawalwaski Papang yakat, witing yaklauwi diyamna kidika, witing yaklauwi parasni[64] diawa kidika, tanit puksani awarni balna yakat,

¹¹witing yaklauwi maisumalwi dawak bik manikingkawa kidika asangpas dini, tinglau dawak uhu balna munah maisumalwa kidika.

¹²Sararahwi, kaunah Papang yaklauwi nangnitnalawas ki, kat witingna laih ahal dudutni ki, dawak bik witingna manah kapat kaldakakawa bahang.

¹³Papang, parasni nuhni bitik duwa kidika, di dauh balna kidika dakawas ki.

¹⁴Man Papang yakat talasyang timan bik, tani tahata, man lama kidika witing muhni yakat sakki.

¹⁵Yultaman, witing kulnin daukalwas ki, dawak bik wah diawaski, muih dutni balna yamna yakat uba talwaski.

¹⁶¡Job, kaunah man di yultaman kidika laih sins lani diski, di mahni yultaman, kaunah sins lani tuhni kidika diski!