Read Mayangna Job 37 Bible Online

Job 37 - Mayangna bible

Job 37

¹Wing bauwa kidika talingkat, ising adika parasni wark kalahwi yang paski kaupak kalahwarang kapat yamwi.

²Dakanauh, Papang dinitsuru parasni yulwa kidika, alwana kalahwa kidika witing tinpas kaupak.

³Witing yaklauwi kalawakat kisang kau kidika bitik yakat alwana lapwi dawak sau sutni nakaskaupak nakas ūk kat.

⁴Tihn dawak di parasni as yulwak dakana ki, witing king dinitsuru parasni kidika yulwak; dawak alwana kidika yulwak dakakawi, alwana lapwa balna[69] kidika dawas ki.

⁵Papang witing dinitsuru kidika kalawak parasni yulwak, taldas dini kidika kalahwi; di nunuhni kalahwi, bahang sip amangladas ki.

⁶Pakwak, mukus pihni kidika sau minit yakat bukwi dawak kalawakat was lauwa kidika parasni kaiwi bukwi.[70]

⁷Witing yamwak muih balna kidika ūnina kat wawatwi, dawak muih bitik amanglalawang, witing kidika kuduh di yamwa kidika.

⁸Asangpas dini balna kidika, panina sulihni yakat kakawi, kidika yakat watwi yakmamaldi.

⁹Wadah niningkaupak wingbauwi kaiwi, dawak tingpal niningkaupak sanni kidika kaiwi.

¹⁰Papang wingnita puhwa kidika kaupak was kidika sanni kalwak dadaswi dawak was panuhni palni kidika sanni kalwi.

¹¹Witing yaklauwi mukus balna kidika was kalawi, dawak bik yamwak kidika munah alwana lapwi kalahwi;

¹²lapwa kidika iringwi kiwi kisang yakat, Papang yaklauwi pakwa kidika kaput kalahwi sau bitik minit yakat.

¹³Kidika kaupak duwi, Papang kidika sau yakat wah kalawi kidika awasbik witing kulnin dalani duwa kidika niningkawi.

¹⁴Job, kulnam laihwattah, dawak dakah, Papang, witing di yamni balna yamwa kidika kultah.

¹⁵¿Man amanglatamahn, Papang kidika amput kidika balna bitik duwih, amput alwana kidika yaringni lapwi mukus yakat?

¹⁶¿Man amanglatamahn, mukus kidika amput wing yakat likyah, sinsni sirihni yamni palni kidika manikingkawi?

¹⁷Man prakma awanaman kidika daihni dauta sip-awasman wadah niningkauh wingni kidika yaklauwi kalawak sau kidika kamakat.

¹⁸¿Man sipmahn, Papang yakat ilp kalanin kisang kidika baisa nuhni yamnin sihm pahn as kapat dawitnin?

¹⁹Manikingkatah, ais yulniknayah Papang yakat, puksani yakat yangna, dawak yulnikna dini diski.

²⁰Yang laih, witing karak yulbaunik dutayang kalatnik bik sip-awasyang, kidika laih yadispamwang kaltiang kapat ki.

²¹Sip-awas ki ma yaringni kidika talnin mukus balna kidika yaklauwi mamalwak, kaunah wing wauhwak, kisang kidika lāih kalahwi.

²²Tingpal niningkaupak gol yaringni kidika kalahwi Papang king nuhni yamadangni kidika kal-awaihdak duwakat.

²³Parasni nuhni bitik duwa kidika sip amangniladaski, kat witing parasni kidika laih nuhni palni ki, dawak la kat ki dawak bik barangni ki, muih as kau bik taihwas ki.

²⁴Kidika bahang muih ahal kidika yamaniduduwi; sins nuhni duyang balna kidika witing niningyakat dauh ki.