Read Mayangna Salmos 111 Bible Online

Salmos 111 - Mayangna bible

Salmos 111

¹¡Dawan ayangni nuhni yamna karang! Yang kulnik bitikkau Dawan ayangni nuhni yamki muih ahal kulninna yayamni balna aslah kalalahwa yakat, dawak tawan kidika bitik.

²Dawan warkni balna kidika laih nuhni ki, dawak wais kidika dalani talwa kat, lankalwi.

³Witing warkni laih yaksihni palni, dawak la kat yamwa kidika laih ban kaput ki.

⁴Di balna yamna kidika laih taldas dini manah ki, kaput bik sip madikitkahwas ki. Dawan laih kulnin yudutni ki dawak minikun bik talwi;

⁵witing ayangni nuhni yayamwa balna yakat kasninna diawi; ¡witing pranimis kidika ban isningpukki!

⁶Witing tawanni yakat niningkana, witing warkni pararasni balna kidika, witing yakat kaltatalwas balna dininadai kidika diana dakyakwi.

⁷Witing yamwa kidika laih barangni ki dawak bik rahmki; dawak witing lani balna yakat kulnin bik aitaniki,

⁸kat lani balna kidika laih parasni barangni ki ban kaput atnin yakat dawak kidika laih di rahm dawak barangni lani karak yamna bahang.

⁹Witing tawanni yakat laihwi yakna dawak pranimis kidika kalana ban kaput atnin. Papang laih holi dawak bik yamadangniki.

¹⁰Sins lani tanit nuhni kidika laih Dawan yakat ayangni nuhni yamnin; witing yakat ayangni nuhni yayamwa balna kidika laih, la yamni duduwi. ¡Papang yakat ayangni nuhni yamnin kidika laih ban kaput karang!