Read Mayangna Salmos 112 Bible Online

Salmos 112 - Mayangna bible

Salmos 112

¹¡Dawan kidika ayangni nuhni yamna karang! Muih al as Papang yakat respik kalawa kidika laih alasna ki witing lani balna yakat alasna duwi.

²Muih al kulnin yamni sulani balna kidika laih blisin diana karang, dawak sau akat parasnina duduwarang.

³Witingna ūnina yakat sau ritsni kidika manas duduwi dawak kulninna yamni lani kidika laih ma bitik yakat yayamwi.

⁴Kidika laih sihm puksani pasyakat yaringni as dalhwa kapat ki, yaringni duwi[66] muih ahal yayamni balna yakat. Dawak minikun talnin lani bik duwi, dawak la kat bik yamwi.

⁵Muih al yamni kidika kulnin yamni lani kau wayaki kalawi, dawak witing lalah warkni[67] kidika lāih yamwi;

⁶kidika bahang sip bukwas karang ki. ¡Muih al kulnin yamni kidika laih ban isningnakatwa karang!

⁷Yul dudutni balna kaiwa kidika yamaduduwas ki; witing kulnin kidika laih parasni Dawan yakat āwi duwi.

⁸Witing kulnin kidika parasni ki, dawak yamaduwas ki, dawak waihnila balna yakat bik sarahni kapat ditalwi.

⁹Muih miniknakunni yakat lalah bik diawi, dawak witing kulnin yamni kidika laih ma bitik yakat ki, witing muhni dulauwi respik karuk.

¹⁰Muih dutni kidika talwi anwi; sip-awas kidika yulni anan karswi. Muih dudutni balna witingna manah dukih diawa kidika laih dauh kalna ki.