Read Mayangna Salmos 115 Bible Online

Salmos 115 - Mayangna bible

Salmos 115

¹Dawan, man alas ayangma nuhni yamtah, yangna akat laih awaski; ¡ayangma nuhni yamtah, dalani lani dutaman kidika dawak di rahm lani bik duitaman kidika yulni!

²¿Man kau matatalwas balna kidika ais yamwi yulwi dakakawarang yah yangna akat, angkat sakyah Papangmana?

³Mayang Mapapangki laih makau kisang yakat sakki; witing yamna, ais yamkih kulna yakat.

⁴Man kau matatalwas balna daninawan dauh kidika laih gol dawak lalah kau yamna, kidika dini balna laih muih al yaklauwi witing tingni kau yamwi:

⁵tininapas duduwi kaunah yulbaunin sip-awaski; miniknapa duduwi kaunah sip tatalwas ki;

⁶tapanina duduwi kaunah sip dakakawaski; nangninatak duduwi kaunah sip uhumwas ki;

⁷tingnina duduwi kaunah sip di lalaihwas ki; kalnina bik duduwi kaunah sip lapapakwas ki; ¡dawak witingna dinitnasuru kaupak sip yul as bik kalahwas ki!

⁸Sihm adika dawan dauh balna kapat ki, angdika muihni daniwan dauh balna yamwa kidika, dawak kaput wais kat kidika yakat kulwa muihni kidika.

⁹Israel muihni balna ¡Dawan yakat kulnamna āta dutanauh! Witing yaklauwi ilp mayawi dawak manakitdakwi.

¹⁰Sumalyang nunuhni balna ¡Dawan yakat kulnamna āta dutanauh! Witing yaklauwi ilp mayawi dawak manakitdakwi.

¹¹Manna Dawan yakat ayangni nuhni yamtamana kidika, ¡witing yakat kulnamna āta dutanauh! Witing yaklauwi ilp mayawi dawak manakitdakwi.

¹²¡Dawan isningkatna mayang akat bahang blisin mayawarang ki! Israel balna yakat blisin diawarang ki, dawak sumalyang balna yakat bik blisin diawarang ki,

¹³witing yakat ayangni nuhni yayamwa muihni balna kidika yakat blisin diawrangki, muih nunuhni balna yakat dawak muih dibinina balna yakat bik.

¹⁴¡Dawan yaklauwi sulanina balna kidika mahni diawang manna dawak walamanabis balna yakat bik!

¹⁵¡Dawan, sau yamna dawak makau kisang yamna kidika witing yaklauwi manna yakat blisin manana karang!

¹⁶Makau kisang kidika laih Dawan dini; dawak muih al yakat laih sau kidika kalana.

¹⁷Kidika balna ap atnin pāni yakat kawi uina balna kidika laih, uman dadauna, Dawan yakat sip ayangni nuhni yayamwas ki;

¹⁸kaunah yangna laih ayangni nuhni yamna awanaki, warmani dawak ban kaput atnin kat. ¡Papang ayangni nuhni yamna karang!