Read Mayangna Salmos 135 Bible Online

Salmos 135 - Mayangna bible

Salmos 135

¹¡Dawan ayangni nuhni yamna karang! Dawan ayangni nuhni yamtanauh; manna dini yamyang manna kidika ayangni nuhni yamtanauh,

²manna Dawan ūni yakat bangmana kidika, mayang mapapangki ūni watakni yakat.

³Dawan yak ayangni nuhni yamtanauh, kat witing laih kulnin yamni bahang; unbautanauh witing ayangnikau kat witing laih dalani lani duwa bahang.

⁴Kat witing yakwi duna Jacob dawak Israel karak, kidika witing golni atnin.

⁵Yang yamni amanglatayang, mayang mapapangki kidika laih witing kauh tanit nuhni ki Dawan ūk balna karak dawakat.

⁶Dawan laih ais yamkih kidika bitik yamwi, makau kisang yakat bik dawak sau yakat bik sihm kuma tuhni yakat bik.

⁷Mukus kidika sau sutni nakaskaupak dulauwi, dawak alwana yulwi, waslauwarang kidika isningpakwi, dawak witing kidika pāni kaupak yakwi.

⁸Witing yaklauwi muihni yakat dakna dai dauna atnin, Egipto walanibis balna tatuna bararakni kidika dawak bik sihm kaput tingninalau balna bik.

⁹Egipto sauni papusyakat, taldas dini kidika sihwak tatalna Faraón dawak tunan muihni nunuhni balna karak.

¹⁰Nesān balna manas sangnika didakna dai dauna atnin king pararasni balna bik sangninaka dakyaknadai:

¹¹Sehón kidika, amorreo kingni Og, Basán kingni, dawak Canaán kingni balna bitik;

¹²dawak kidika kingni sauni balna kidika witing tawanni Israel yakat kalana dai, witingna dinina atnin.

¹³Dawan man ayangma laih ninihng ban kaput ki; ninihng ban kaput isningna katwa karang.

¹⁴Dawan laih witing tawanni yakat lā kat yamwi, dini yamyang balna yakat dalani talwi

¹⁵Wayani dauh balna Papang yakat amangnilalawas muihni balna daniwan laih gol manah ki, kidika laih muih al yaklauwi witing tingni kau yamwi.

¹⁶Tininapas duduwi kaunah sip yulbabauwas ki miniknapa duduwi kaunah sip ditatalwas ki;

¹⁷tapanina duduwi kaunah sip di dakakawas ki; ¡sangninaka bik diski!

¹⁸Sihm witingna daninawan dauh kapatki, witingna yayamna balna kidika, dawak kidika yakat kukulwa kidika.

¹⁹Israel balna, Dawan ayangni nuhni yamtanauh; sumalyang balna, Dawan ayangni nuhni yamtanauh;

²⁰Levitas balna, Dawan ayangni nuhni yamtanauh; manna Dawan yakat nuhni kultamana kidika, ayangni nuhni yamtanauh.

²¹¡Sayan yak yamni palni talah Dawan, Jerusalén yakat yalahwa kidika! ¡Dawan ayangni nuhni yamna karang!