Read Mayangna Salmos 136 Bible Online

Salmos 136 - Mayangna bible

Salmos 136

¹Dawan yakat tingkih kalatanauh, kat witing laih kulnin yamni bahang, dawak bik dalani lani duwa kidika ninihng ban kaput bahang.

²Dawan dauh balna Papangnina yakat tingkih kalatanauh, kat witing dalani lani duwa kidika laih ban kaput ki.

³Dawan balna Daninawan yakat tingkih kalatanauh, kat witing dalani lani duwa kidika laih ninihng ban kaput bahang.

⁴Witing manah ki di taldas dini nunuhni yamwa kidika, kat witing dalani lani duwa kidika laih ban kaput bahang.

⁵Makau kisang yamna kidika sins lani nuhni kau, kat witing dalani lani duwa kidika laih ban kaput bahang.

⁶Witing yaklauwi was minit yakat sau yamna kidika, kat witing dalani lani duwa kidika laih ninihng ban kaput bahang.

⁷Ma dawak waiku kidika, kat witing dalani lani nuhni duwa kidika laih ban kaput bahang:

⁸ma kidika laih madah yakat yaringni duna atnin, kat witing dalani lani kidika laih ninihng ban kaput bahang;

⁹waiku dawak yala kidika laih pukta yakat yaringni duna atnin, kat witing dalani lani duwa kidika laih ban kaput bahang.

¹⁰Egipto muihni balna walaninabis tatuna bararakni balna bitik inadai, kat witing dalni lani duwa laih ninihng ban kaput bahang.

¹¹Egipto kaupak yakna kidika Israel balna, kat witing dalani lani duwa kidika laih ninihng ban kaput bahang;

¹²Witing tingni yūnadai parasni nuhni karak, kat witing dalani lani duwa kidika laih ninihng ban kaput bahang.

¹³Kuma pauni bu sahyakna kidika, kat witing dalani lani duwa kidika laih ninihng ban kaput bahang.

¹⁴Witing yaklauwi Israel balna kidika kuma pasmunah bayayakna, kat witing dalani lani duwa kidika laih ninihng ban kaput bahang.

¹⁵Witing yaklauwi Kuma Pauni yakat kalawak kawi kiuna kidika, Faraón dawak kalbauyang muihni balna duwadai kidika balna bitik, kat witing dalani lani duwa kidika laih ban kaput bahang.

¹⁶Witing tawanni kuma wanilang munah duwi kiuna kat witing dalani lāni duwa kidika laih ninihng ban kaput bahang,

¹⁷King nunuhni balna bik īwadai kidika, kat witing dalani lani duwa kidika laih ban kaput bahang.

¹⁸King pararasni balna bik sangninaka dakna, kat witing dalani lani duwa kidika laih ninihng ban kaput bahang:

¹⁹Sehón, amorreo kingni, kat witing dalani lani duwa kidika laih ninihng ban kaput bahang:

²⁰dawak Og, Basán kingni, kat witing dalani lani duwa kidika laih ninihng ban kaput bahang

²¹Kat kidika kingni balna saunina kidik bu sahwi yaknadai, kat witing dalani lani duwa kidika laih ninihng ban kaput bahang,

²²dawak witing dini yamyang Israel yakat kalana dai, witing dini atnin yulni, kat witing dalani lani duwa kidika laih ban kaput bahang.

²³Witing isningkatwa kidika mayang adika dutni yak bang mayang mani kat, kat witing dalani lani duwa kidika laih ninihng ban kaput bahang.

²⁴Witing, yaklauwi mawaihkila balna kaupak mailaihwi yakwa kidika kat witing dalani lani duwa kidika laih ninihng ban kaput bahang.

²⁵Witing yaklauwi muih balna yakat dibayahwi dawak tinglau balna asangpas dini balna bik di bayahwa kidika, kat witing dalani lani kidika laih ban kaput duwa bahang.

²⁶¡Iban kingni yakat tingkih kalatanauh, kat witing dalani lani duwa kidika ban kaput bahang!