Read Mayangna Salmos 14 Bible Online

Salmos 14 - Mayangna bible

Salmos 14

¹Coro sumalniyang kaupak, Devid kaupak. Muih tingkapah balna kidika Papang dis kukulwi: bitik kidika dutni ta didisna; dutni palni yayamna; ¡muih as bik diski di yamni yamnin muihni kidika!

²Makau kisang kidika kaupak Dawan yaklauwi muih yakat ditalwi, rahm muihni balna pasyakat di amanglawa muihni bik sakpa, muih as Papang yakat walwa muihni.

³Kaunah bitik laih ta dutni yakat uina; bitik laih kapapat dutni yayamna, ¡muih as bik diski di yamni yamnin kidika! ¡As palni bik diski!

⁴Di dutni yamyang balna kidika sip di amanglalawas ki, yang tawanki yakat kasyang balna kidika, sihm muih as di kaswa kapat, dawak kidika balna bik Dawan yakat yuyulwas ki.

⁵Muihsak dadauwak diyukwarang, kat Papang laih angdika muihni witing yulni dakawa kidika karak ki.

⁶Muih minikunni dukih kalawa kidika yakat sarahni kaltatalwi, kaunah Dawan yaklauwi nanitdakwi.

⁷¡Yamni kitdai, Sayan asangni kaupak laihwi yaknin kidika kaiwarangkat! Dawan yaklauwi witing tawanni blinisin kidika satuk wirlawakat, kaput laih Jacob sulani balna kidika alasna duduwarang, Israel tawanni bitik kau.