Read Mayangna Salmos 143 Bible Online

Salmos 143 - Mayangna bible

Salmos 143

¹Devid salnimo. Dawan, yang, mikityultayang kidika dakah; yang buktik yultayang kidika dakah. ¡Nangkitlatah, kat man laih barangniman bahang!

²Man dī yamyang yakat dutni yamna balna kidika kalyulwi dakawinih kat man muhma tani yakat muih as bik diski dutniyamwas muihni kidika.

³Waihkila balna kidika ya-uiwi aiwi, sau yakat ya-atakwi lababanna; yataihwi yayamwi, yang adika puksani yakat atnik, sihm ma bayakna balna yakat dadauna kapat.

⁴Bitik palni laih yataihna ki; ising kidika bahbukna.

⁵Sara mani balnadai yakat isingkattayang, dawak isingkattayang di balna yamnaman bitik yakat.

⁶Man namangyakat tingki yutayang, sau buhlana kat was dikih kapat.

⁷Dawan, ¡sirihni nangkitlatah, kat wingkita kidika mahka witwi! Man ilp yanam kidika dikah atnam-awaski, kat kaput awaskarang kat, yang laih dadauna balna kapat awaki.

⁸Mapiris yakat man dalani lani dutaman kidika nikingkatah, kat man yakat yang kulnik kidika ātik dunayang bahang. Man lawa nikingkatah yang amput atnik kidika kulnik lani balna, kat yang dukih yawa balna kidika man yakat yawayang bahang.

⁹Dawan, yalaihta yaktah waihkila balna kaupak, kat yang laih man yakat yakmaldinik kidika waltayang bahang.

¹⁰Nikingkatah, yang man kulnam lani yamnik, kat man laih yang Papangki man bahang. ¡Man piritma yamni kidika yaklauwi yadukiwarang ta barangni yakat!

¹¹Dawan, man ayangma kau yatang kat sangka awakuh. Kat man laih la kat man bahang, ¡kulnik kaida kidika kaupak yalaihta yaktah!

¹²Kat man laih barangni man bahang, ¡waihkila balna kidika dismuktah! ¡Waihkila balna bitik dismuktah, kat yang laih man dimayamyang yang bahang!