Read Mayangna Salmos 16 Bible Online

Salmos 16 - Mayangna bible

Salmos 16

¹Devid yulni damni. ¡Papang mainyatalah, yang man yakat nakitdaknin kidika waltayang!

²Yang mayulnayang dai: “Man kidika yang Dakiwan man, dawak yang yamniyang kidika; di ūk karak sip malibitdaski, man karak.”

³King sauni pasyakat, dawan dauh balna kidika parasnina nuhni duduwi atwi, kidika yakat yamni kalkukulwa muihni balna,

⁴dawak wayani balna kidika baisa mahni yayamwi, dawak kidika balna yakat parasni minitna yuyulwi.[7] ¡Yang wat-as bik, witingna sakripais ā manah bubuswa pasyakat awas awaki! ¡Kaput bik witingna ayangnina kidika wat as bik tikpas kau yultas awaki!

⁵Dawan, man yakat di bitik kidika dutayang, man lawa blisinma kidika minit bayak yataman; yang sangkika kidika man tingma yakat sakki.

⁶Tatuna pāni kidika yang akat yabukna; ¡di tingmak yamni kidika yang diki kalna!

⁷Dawan yakat yamni kalyulki, kat witing yaklauwi ta nikingkawa bahang, yang muihki pas balna bitik kidika pukta balna yakat barangni awi.

⁸Nining Dawan kidika kulnik yakat dutayang; witing kidika yang tingkipal yakat karangkat, di as bik yayamwakat buktas awakiki.

⁹Kidika bahang, yang muihki paskidika bitik dawak kulnik kidika bitik alasna manah buhngki. Muihki nuhni bitik sangka karang, witing yakat rahm kalkultayang bahang,

¹⁰bahang sau-ū yakat yadatas āwama, ¡man kaltalyang yamni man yakat barangni kidika pa kuhrna sulihni yakat datas āwama!

¹¹Nikingkama sangka atnin tani kidika. Man aiwaman kidika yakat alasna nuhni sakki; dawak alasna ban kaput atnin kidika man karak ki.