Read Mayangna Salmos 28 Bible Online

Salmos 28 - Mayangna bible

Salmos 28

¹Devid kaupak. Dawan, yang nakitdakyang, man yakat mayultayang. ¡Nangkitlatas laih atna! Kat manangkitlatas atnin yamma kat, yang laih dauna balna pasyakat uman kaldakaki.

²Yadakah sarahtayang kidika, man yakat ilp yultik, yang tingki yutayang kidika man uma maisihnidis yakat.

³Yamurwi du'kiwinih, muih dudutni balna karak yalibitta, dutni yamyang balna kapat bik yayamwinih, minit yakat laih kulninna yamni kapat ki kauna kulnin pasyakat laih dutni manah ki.

⁴Minitna diatah, witingna dutni yayamwa kidika kaput; sihm kidika lalahni kau minitlauta diatah, witingna dutni yayamna kidika kaput.

⁵Kat witingna kulninna yakat laihwi duduwas bahang Dawan di balna yamna kidika, ¡witing yaklauwi imukwarang dawak watwi bik laihwi dulauwas kawang!

⁶¡Dawan kidika ayangni nuhni yamna karang, kalni dinit yakat buktik yulting dakana kidika!

⁷Dawan laih yang nakitdakyang parasni nuhni duwi; kulnik bitik witing yakat kultayang, bahang witing yaklauwi ilp yāna. Yang ising kidika alasna sakki; unbautik dawak bik tingki kaltiki Dawan yakat.

⁸Dawan kidika laih witing tawanni kidika parasni; ilpni lani, dawak witing kingni walwi duna kidika yakmaldinin pāni.

⁹Tawanma laihta yakta, Dawan; dīma balna kidika yamni diyamtah. Sīp maintalyang as kapat maintalah; ¡man tingma yakat dulauta duta yawah ban kaput atnin!