Read Mayangna Salmos 39 Bible Online

Salmos 39 - Mayangna bible

Salmos 39

¹Coro sumalniyang kaupak. Jedutún kaupak. Devid salnimo. Yang pramis yamnayang dai, kulnik lani balna kidika maintalnik, dawak yang tuki kau dutni yulnik-awas, dawak kungkimak balna yakat laihwatnin dini as ānik; muih dudutni balna kidika yang muhkit yakat bangkat.

²Yang tubi kaltāyang dai: bahang di as bik yultasyang dai. ¡Di yamni kidika bik yultasyang dai! Kauna yadalawa balna kidika laih baisa nuhni kalwadai;

³¡yang ising kidika paski yakat daihni kalwadai! Kidika yakat kultingkat, kuhpau as yang kulnik yakat dahlwadai, kaput dawak yang yulnayang parasni:

⁴“Dawan niking yakat, dawak witing yakat ampat awakiyah dawak naini ampus sangka lik-awakiyah; ¡dawak amanglakih yawi sangkika adika parahni ampus karangyah!

⁵Sangkika uba parahni yānaman; yang sangkika kidika laih di dauh as ki man tamatyakat. ¡Muih ahal bitik sangninaka kidika laih wingnita puhyakpamwa kapatki!

⁶¡Muih ahal bitik laih masanni as bayakwi kiwa kapat ki! Sau akat di yayamni balna kidika mahni uduhwi duwarang bik ilp diski. witing amanglawas ki di balna kidika wais duwarangpa.

⁷Dawak, Dawan kaput kat, ¿ais baisa tahanik sipyah? ¡Yang tahanik kidika laih man yakat sakki!

⁸Dutki balna kaupak yalaihta yaktah; datangkat tapdadas balna dutni yayulnin-awaski.

⁹“Tubi kaltik, tikpas wakahtas danayang, kat man lawa di balna kidika yamtaman bahang.

¹⁰Yang kaupak latah yabautaman kidika; man tingma kau yabautaman kidika yulni sip-awas kalnayang.

¹¹Man lawa muih al yakat barangni kalyaktaman wah kalata, dutni yamna kidika kaupak, dawak wan manah yamtaman, angdika tanit dukih kalawa dini kidika. ¡Muih ahal bitik kidika laih wingta puhna as kapat ki!

¹²“Dawan, mikityultayang kidika dakah, ¡aidayang kidika tapama yuta dakah! ¡Ap dawinih, mikwas kalahwa kidika yulni! Yang laih man namangyakat tringsar as yang, uhu bin as kaiwi bayakkiwa kapat as yang, sihm muihkibararak balna dai kapat yang.

¹³Yatalaman kidika datah, yadatangkat urupdakuh, baisa yawik distasyang tanitkauh, adika pāni kaupak.”