Read Mayangna Salmos 50 Bible Online

Salmos 50 - Mayangna bible

Salmos 50

¹Asaf salnimo. Dawan laih, dawan balna Papangnina kidika, witing yulbauna; sau kau yalalahwa muihni balna yakat yuldibauna makilwa kaupak makawa kat.

²Papang yaringni kidika kalahwi Sayan kaupak, tawan nuhni as aitani yaksihni kidika.

³Mayang Mapapangki kidika kaiwi, kauna ap laih kaiwas ki: witing tanit yakat kuhpau as, di balna buswi disyamnin kidika kaiwi dawak yaihnit awaihdak kidika alwana parasni manah ki.

⁴Mayakaupak, Papang yaklauwi kalyulwi makau kisang yakat, dawak sau yakat bik witing tawanni lāni yamwarang kidika niningna kāna atnin:

⁵“Yang kau barangni balna kidika uduhtanauh, yang kau pramis yayamna muihni balna kidika yang kau sakripais yamna atnin yulni.”

⁶Dawak makau kisang kidika yaklauwi yulna ki Papang laih wihta as barangni ki.

⁷“Dakah Israel, yang tawanki; di kidika bitik lāih yakki man namang yakat. ¡Yang laih man Papangmayang! ¡Yang laih man Papangmayang!

⁸Yang kau sakripais bustaman kidika danin mayultasyang man nining yamtaman kidika yang kau.

⁹Man tumaruh almuk wahma kidika yatah mayultasyang, dawak man kutsma balna bik,

¹⁰kat asangpas dini balna bitik kidika yang diki, dawak asang balna kau turuh balna bik sihm kaput ki;

¹¹dawak asang pas balna kau uhu balna kidika bik yang diki balna, dawak asangpas kau di balna mahni sakkidika bitik.

¹²Yang yuh yāwakat, man yak mayultas awaki, kat sau adika bitik yang diki, paskau di balna bangkidika bitik.

¹³¿Yang turuh muihni kastayang katpah, kidika awaskat kuts āni ditayang katpah?

¹⁴¡Man Papang yakat di kalataman kidika yamni karang; man pramamis kat yamtah Papang yakat!

¹⁵Man kulnam kaidak yayultah; bahang kaput laih malaihtik yakki, dawak man ayangki nuhni yamma.”

¹⁶Kauna muih dutni yakat laih papang yaklauwi kalyulwi: “¿Man wais rahmma manayah yang laki balna kidika yakta yulna atnam kidika waiskat prakimis kidika yulna atnam,

¹⁷yang lawik barangni mayamki kidika dukih mawas kat yang yulki balna bik dauh kultaman?

¹⁸Di malyang kidika yamni laihta dutaman, ¡muih di dutni yamyang balna karak kalpaktaman!

¹⁹Dutni yamnin dawak alas yulna atnin bik man tuma dawak kungmamak balna bik uluhna ki.

²⁰Man wanaihma yakat ayangni dutni yamtaman; ¡man wirahma palni yakat bik niningkauh ustaman!

²¹Kidika dini balna bitik yamnaman, kaunah yang ap danayang dai; man kulnaman laih yang adika man kapatyang. Kauna mamuhki kidika biri pakdarang mani kat yulma kidika yakna awaki, ¡launa balna kidika bitik laih malaihna awaki!

²²“Adika dini yamni amanglatanauh, manna Papang yakat damatnakahwa kidika, kidika awaskat yang lawik mana istik bistik uduhki dawak muih as bik dis karang manalaihwi yakna atnin:

²³Waiskat yang akat tingkih lani yawa kidika, ayangki nuhni yamwi. ¡Yang lawik laihtik yaktayang, angdika muihni tikpas yakat lik kidika!”