Read Mayangna Salmos 52 Bible Online

Salmos 52 - Mayangna bible

Salmos 52

¹Coro sumalniyang kaupak. Devid sumalwa kidika, Doeg Edomita kidika Saúl yakat kiwi kalyulna Devid laih Abimelec ūni yakat sakdai. ¿Amput dawak dutni balna kidika dauh kultamanh, parasma nuhni dutaman kidika? ¡Papang dalani lani kidika laih ma bitik yakat ki!

²Di dutni yamnin manah kultaman; man tuma kidika laih sihm kuhbil baini kapat ki.

³Dutni kidika dukih mawi, yamni kidika karak dawakat, dawak alas kidika dukih mawi, di rahm kidika karak dawakat.

⁴Tūni alasyulyang, daukalwa yulni balna kidika dukih mawi;

⁵kaunah Papang yaklauwi bik daukalpamna karang ban kaput atnin yakat; malaihwi ūma kaupak maruhm'yakwarang; dawak sangmaka dakyakna karang.

⁶Papang yulni dakawa muihni balna kidika, adika dini talwi yamaduduwarang; kaunah kidika alni yakat sarahni kalyulwi aput kalyuyulwarang:

⁷“Talnauh Papang yakat walwas kidika, witing nanitdaknin; witing dini balna yakat manah kulwa muihni kidika, witing laih dutni yamwa yakat banki.”

⁸Kaunah yang laih olib panan sangni yamni kapat yang Papang ūni yakat; ¡yang kulnik kidika witing dalani duwa yakat ātik duki, ban kaput atnin!

⁹Papang, yang ban kaput tingkih mayulta awaki, yamnaman balna kidika yulni, man kau barangni balna muhnitna yakat tama tahaki, kat man laih yamni man bahang.