Read Mayangna Salmos 55 Bible Online

Salmos 55 - Mayangna bible

Salmos 55

¹Coro sumalniyang kaupak, paswi yakisdinin dini balna kau. Devid yaklauwi sumalna kidika. Yang Papangki, mikit yultayang kidika dakah; kalma dinit yakat buktik yultayang kidika dakas kapat yamwinih.

²Yultayang kidika dakah, dawak nangkitlatah; kulnik kaida pasyakat mayultayang man yakat. Waihkila dinit yulwa kidika dakingkat yayukwi, dawak muih dudutni balna sarahwa kidika bik. Kulnik bukna kidika truktayang; niking yakat parasni yabauwi.

⁴Yang ising kidika paski yakat kiri yaklauwi; daunin yamadangni kidika mikit yakat bukna.

⁵Yamadunin dutni as yalaihna; ¡yamaduting kat yayukwi!

⁶Dawak yultayang: “Yamni karang yang adika buhtuku kapat lawāki dutayang katlaih, lawik yawik wingkita puhki.

⁷Lawik pa nai yawaki; kauhmak wanilang yakat wattik paki duki.

⁸Sirihni irik yawik maldaki, wing parasni wauhwi kaiwa kidika kaupak.”

⁹Dismuktah Dawan, yulnina balna kidika satuk yammuktang sinsnina diswang, kat yang talayang kalbaunin manah dawak dakwi kalahnin manah,

¹⁰dawak pukta madah, tawan nuhni pasyakat awawaihwi. Witing yakat laih dutni manah dawak malnikau dutni yamnin manah ki; witing yakat laih dutni manah ki;

¹¹tanipas balna kidika yakat kalbaunin dawak alas yulnin manah ki.

¹²Waihkila as yaklauwi yauswaski, bahang kidika yang wauhna atnik; yang niking kauh yaklauwas ki, dutni yakulwa muihni kidika, kidika niningkaupak yang maldinik.

¹³¡Man laih yang karak kaltalyang yamni mayang, yang karak kaltalyang tanit yamni,

¹⁴witing karak Papang uni yakat kaluduhtayangna dai kaltalyang yamni yangna bahang yulbaunikna, witing karak muih pasyakat lapaktayangna dai!

¹⁵¡Waihkila balna kidika, daunin yaklauwi dilaihwang isningna aiwaskat! ¡Sangka yakauna sau ū pas yakat kakawang, kat dutni kidika laih witingna isningna yakat sakbahang!

¹⁶Kaunah yang Papang yakat parasni yulki; dawak Dawan yalaihwi yakwarang.

¹⁷Dutni yayamwa kidika yulni yultik aidaki mapiris, matunak dawak pukta bik, bahang witing yang dikit yultayang kidika dakawarang.

¹⁸Kalbaunin paskaupak yalaihwi yakwarang; sangkika laihwi yakwarang, nikingkauh yaklalauwa balna kidika mahni karang bik.

¹⁹Papang kuduh witing kingkawa kidika ban kaput atnin, yadakawarang, dawak sau yakat lakmukwarang, kat witingna laih kulninna kidika satuk wirlalawas bahang dawak Papang yakat bik yamaduduwas bahang.

²⁰Kaltalyang yamni balna duduwa niningna yakat tingnina dulalauwi; witingna kaltalyang yamni pranimis yakat yayamwas bahang.

²¹Yulnina balna kidika turuh taniwas salani kapat tanit yudutni ki, kaunah kulninna balna kidika laih kalbaunin manah ki. Dawak yulbabauwa kidika laih tanit yudutni disala kapat ki, rahm laih awaski kaunah isparah baini kapat ki.

²²Man kulta kalbautaman kidika Dawan yakat datah, dawak witing yaklauwi parasni mawarang; dawak bukwas karang angdik alni witing yulni dakawa kidika.

²³yang Papangki, iyang muihni balna dawak alas muihni balna kidika laih sangka awas karang sangnika papusbah bik awaskarang; man lawa yamtangkat sau ū tuhni yakat bukwarang, kaunah yang laih man yakat kulnik ātik dutayang.