Read Mayangna Salmos 57 Bible Online

Salmos 57 - Mayangna bible

Salmos 57

¹Coro sumalniyang kaupak. “Daukalwinih”. Devid yulni damni, Saúl kaupak kiri yakmaldana dai kidika pa sulihni kau. Mikun yatalah yang Papangki, mikun yatalah, man yakat nakit daknin kidika waltayang. Lawama dinit yakat āwik nakitdaknin kultayang yamadangni kidika bayakwakat.

²Papang makau sakyakat yulna awaki, Papang witing di bitik kau ilp yawa kidika.

³Witing yaklauwi sihwarang makau kisang kidika kaupak, dalani lani dawak di rahm kidika bik, yalaihwi yakna karang, kulninna dutni kulwi yauiwi aiwa kidika kaupak.

⁴Sau yak bukna tusyang, layan muih kakaswa pasyakat, witingna ananina kidika laih langsa kapat ki, dawak tunina kidika laih isparah baini kapat ki.

⁵Yang Papangki, man laih makau kisang kidika minityakau sakman. ¡Man alasmana yaksihni kidika sau bitik yakat bangwi!

⁶Waihkila balna kidika yalaihnin dini as ahana yang kulnik kidika bahbuknin yulni; yang takipas yakat pa kukuhrna, kaunah witingna silp kidika yakat bubukna.

⁷Yang kulnik laih ridi ki Papang, yang kulnik laih ridi ki man yakat unbauna atnin.

⁸Sahmuhtah, yang solki sahmumuhwang paswi yakisdinin dini balna kidika; ¡sahmuhki ma wisam kalahwa yakat!

⁹Unbaunin kau ayangma nuhni yamki Dawan, tawan balna dawak nisan balna pasyakat.

¹⁰Kat man dalani lani dutaman kidika laihna ki, makau kisang kat; man nuhni makulna kidika laih makau kisang kidika kat kilwi kana.

¹¹Yang Papangki, man laih makau kisang kidika minit yakau sakman. ¡Man alasmana yaksihni kidika sau bitik yakat bangwi!