Read Mayangna Salmos 59 Bible Online

Salmos 59 - Mayangna bible

Salmos 59

¹Coro sumalniyang kaupak. “Daukalnah”. Devid yulni damni, Saúl pakna Devid ūni kidika yakpakwi talnin, bahang kidika laih īna atnin yulni. Yang Papangki, waihkila balna kaupak yalaihta yaktah; nikingkauh yaklalauwa balna kaupak yalaihta yaktah,

²muih dudutni balna kaupak bik yalaihta yayaktah, muih iyang balna kaupak bik yalaihta yaktah,

³kat muih ahal pararasni bik bangki bahang witingna tahahawi ya īna atnin.

⁴Dawan kulnik dutni awasdai dawak bik dutni yamtasyang, di dutni as bik yamtasyang, kaput kaunah sirihni yayamwi yakalbauna atnin. ¡Sahmuhtah! ¡Yang akat aiwa talah!

⁵Man Dawan, Papang parasni bitik duwa kidika, Israel Papangni, sahmuhtah, dawak wah diatah Papang duwas muihni balna yakat miniknakun ditalwinih kidika muih dudutni balna malnikau muih ihiwa kidika yakat.

⁶Pukta yakat nawatwi aiwi, sihm sul kapat ahauhwi, dawak tawan nuhni yakat awawaihwi.

⁷Tininapas yakat luhusni manah yayakwi, witingna yulnina parasni yuyulwi: “¡Muih as bik diski maidakanin!”

⁸Kaunah, man laih Dawan, kidika balna yakat āraman; man kau maduduwas balna yakat sarahni talaman.

⁹Man yakat nakitdakki, yang Papangki, man laih yang paraskiman dawak nakitdakyang.

¹⁰Papang dalani yatalwa kidika yang akat yawalwi kaiwarang; yāwak talki, waihkila balna bubukwarang kidika.

¹¹Minikun ditalwinih,[35] kaput laih yang tawanki kidika ban muhni yakat sakkarang, kalatang ruhwi kiwang man parasma kau, dawak sau yak bubukwahng. ¡Dawan kidika laih mayang manakitdakyang!

¹²Di bitik yuyulwa kidika pasyakat dutni yayamwi; ¡witingna manah kapat kaldakakawa kidika yaklauwi ditaihwarang, dawak pramis dauh yayamwa kidika karak!

¹³¡Dahn yamtah, dahn yamtah, man kulnam daukalna kidika kau! ¡Dis dadawang! ¡Witingna amanglalawang Papang laih King Jacob kaupak sau saran kat!

¹⁴Pukta yakat nawatwi uiwi sul kapat ahauhwarang, dawak tawan nuhni pasyakat awawaihwi kasnin dini walwi, kaunah dukih diawa yakat yakwas dawi ahauhwarang.

¹⁶Kaunah yang laih, mapiris yakat unbauki manyak; yang parasni yultik yulki, man dalani lani dawak parasma bik dutaman kidika. Kat man laih yang nakitdakyang man bahang, dawak bik maldinik pāni man bahang kulnik kaidana mani balna yakat.

¹⁷Man yakat unbauki, yang Papangki, kat man kuduh paraskiman, dawak yakmaldinik pāni; ¡man laih Papangman, yang kau dalani yatalaman!