Read Mayangna Salmos 62 Bible Online

Salmos 62 - Mayangna bible

Salmos 62

¹Coro sumalniyang kaupak, Jedutún kaupak. Devid salnimo. Papang yakat manah kulnik aslah lani kidika yaktayang; yalaihwi yakninkidika witing kaupak kaiwi.

²Witing manah yalaihwi yakwi, dawak nakitdakwi. Yang buktas awaki, kat witing kidika laih yang maldinik bahang.

³¿Mampat kat manna nikingkauh lawamana kidika datanamayah, dawak sau yakat yalahnin kultaman kidika, sihm ū as daklana kat apahwi bukwa kapat kidika awaskat daklana as apahwi buknin manah kapat sau yakat?

⁴Yalakpamnin kidika manah kukulwi; witing alasnina tanit nuhni kidika laih alas yulni. Witingna tininapas kau ayangki nuhni yayamwi, kaunah kulninna kau dutni yayuyulwi.

⁵Papang yakat manah kulnik aslah lani yaktayang; kat yang tahanik kidika laih witing kaupak kaiwi.

⁶Witing manah yalaihwi yakwi, dawak nakitdakwi. Yang buktas awaki, kat witing kidika laih yang maldinik pāni.

⁷Papang witing yakat ki yalaihwi yaknin kidika, dawak reskipik bik; witing yakat ki nakitdaknin, dawak maldinik pāni.

⁸¡Yang tawanki, witing yakat kulnamna āta dutanauh! ¡Mamatna yultinah yulkalbautanauh, witing yakat kulnamna ātaduta! ¡Papang yakat ki mamaldinik pāni!

⁹Muih al yakat laih dukih mayawa kidika dauh manah ki, muih minikunni dawak di duyang bik sihm kapat ki; albupak libitwi paun āwarangkat, tikini bik diskarang ki.

¹⁰Kulnin daukalnin lani yakat laih manna rahm kukulwinih; ¡dimalnin kidika damanawan kapat duduwinih! Manna di mahni duyang alahwanama kat, lalah yakat kulnamna kidika āwi duduwinih.

¹¹Yang wat dakanayang Papang yulna kidika: parasni dawak dalani lani kidika laih witing dini, dawak witing yaklauwi muih balna yakat minitna diawi witingna yayamna praisni kat.