Read Mayangna Salmos 73 Bible Online

Salmos 73 - Mayangna bible

Salmos 73

¹Asaf salnimo. ¡Papang kidika ampus yamniyah Israel karak, isningna maisihnidis balna karak!

²Baisa apisdai katlaih yang buktitikdai; kalki kidika atakting karhna dana.

³Kat yang tumnayang amput yamni bararakwa kidika muih dudutni balna witingna manah kapat kaldakakawa kidika.

⁴Witingna kulwi kalbabauwas ki daunin kaiwa kidika, kat muihnina yamni bahang;

⁵muih wawauhwa kidika witingna wawauhwas ki dawak witingna isningna abalhwas ki muih uk balna kapat.

⁶Kidika bahang witingna manah kapat kaldakakawa kidika laih witingna alahnina dawak kalbaunin lani kidika laih witingna asninana;

⁷salalani ki bahang miniknapa kidika alahuiwa kapat ki, witingna dutni yamnin kukulwa kidika laih manas palni ki.

⁸Sarahni talnin, witing manah kapat kaldakanin dawak asalninadis witingna dutni yamnin kukulwi, dawak kalbaunin bik;

⁹makau kisang niningyakat witingna tūnina kau dutni yuyulwi, dawak kaput bik tūnina kau sau bitik yakat kikiri.

¹⁰Kaput bahang witingna yakat muih balna yaklauwi ayangnina nuhni yayamwi dawakat witingna yakat di dutni as bik yayakwas ki.[43]

¹¹Yulwi dakakawi: “¿Papang amanglawarang-katpah? ¿Makau sakkidika amanglawarang-katpah?”

¹²¡Muih dudutni balna adika talnauh! Isninglak palni dini balna kidika mahwi.

¹³¡Kulnik klin dunik kidika laih ilp as diski dawak tingni kidika klin yamnik di dutni balna bitik kau!

¹⁴Kat awar balna bitik yakat yabauna bahang, dawak mapiris bitik yakat wah yawi.

¹⁵Yang, witingna kukulwa kapat kulnayang katlaih, walamabis balna yakat dutni diyamtitikdai.

¹⁶Adika dini amanglanin kulnayang, kaunah sip-awas dadasni palnidai.

¹⁷Papang pāni holi yakat awanayangkat, amanglanayang, witingna kidika angkat uiwi wawatwarang kidika:

¹⁸Pa sulihni yakat muih kidika uita ānaman, dawak tuktang uiwi daukalnin yakat.

¹⁹¡Minit aslah kat didaukalna karang! ¡Muihsak kidika yaklauwi di īna karang!

²⁰Kaunah Dawan man lawama kat muih as kamatuskauna yaklauwakapat, witing muihni yakat dutni kaltalnaman karang.

²¹Yang laih tapalhni manah yabung sakyangdai, dawak ising yakat dalawak dakanayangdai,

²²kat tapdadas as amanglatasyangdai bahang; ¡man namangyakat sihm tinglau as kapatyangdai!

²³Kaput kaunah, ban mankarak yangdai. Man tingkipal yakat yalaihnaman,

²⁴man yulma yasumalta yaduyawanaman witni kat man yaduma reskipik karuk.

²⁵¿Wais kidika dutayahng makau kisang yakat? ¡Man manah ki! Man karak yang kat, sau yakat di as bik dukih yawas ki.

²⁶Yang muihki bitik laih witwi, kaunah Papang laih yang diki tingmak ban kaput karang bayakkiwas dawak witing kuduh ising laihwi duwa kidika.

²⁷Mankaupak naikau kalahwi uiwa balna kidika laih dadauwarang; man yakat barangni-awas kidika laih dispamma.

²⁸Kaunah yang laih Papang yaihnit yakat yawaki, kat yang nikingkauh laih kidika di tanit yamniki, Dawan dawak Papang, man laih yang maldinik panima, man yamnaman balna bitik kidika laih yang yulnik ki.