Read Mayangna Salmos 75 Bible Online

Salmos 75 - Mayangna bible

Salmos 75

¹Coro sumalniyang kaupak. “Daukalwinih”. Asaf salnimo dawak unbauna kidika. Papang, man yakat tingkih matiyang, tingkih matiyang; man ayangma yakdi mayuldi[44] dawak unbaudi di taldas balna yamnaman kidika yulni.

²Dawan yulwi: “Yang lawik waltik yaktik duki minitni yakat, lā barangni kat yamki.

³Sau kidika yukwakat, sau muihni balna bitik, yang lawik kuduh rahni balna kidika pamni laihtik dutayang.”

⁴Di dauh balna yakat manah kulyang balna kidika dawak muih dudutni balna kidika yuyulwi: “Manna manah kapat kaldakakawinih;

⁵manna parasmana kidika yulni uba yuyulwinih dawak yulbautamana kidika bik praut yuyulwinih.”

⁶Ilp lani kidika kaiwas ki tingpal niningkauh dawak wadah niningkauh bik, dawak kauhmak wanilang wadah niningkauh kaupak bik kaiwas ki,

⁷kaunah Papang laih wihta, buas taihlakwi dawak uk balna kidika laih laihwi dulauwi.

⁸Dawan witing tingni yakat duwi annin sūnitak kidika wain wasni banawak sapahwi warhna kidika. Witing yaklauwi wain wasni kidika utuhwak, sau muihni dudutni balna kidika bitik witingna didiwarang tahna as bik dadawas karang.

⁹Jacob Papangni yulni kidika yang ban yulta awaki dawak bik witing yakat unbauki;

¹⁰kat witing yaklauwi muih dudutni witingna manah kapat kaldakakawa kidika dismukwarang bahang, kaunah muih yayamni balna parasnina kidika laih baisa minitkau ilwarang.