Read Mayangna Salmos 80 Bible Online

Salmos 80 - Mayangna bible

Salmos 80

¹Coro sumalniyang kaupak, sulumtah puluni tiunni kapat. Asaf witing yulni dawak salni. Israel sīpni maintalyang balna, José yakat tinglau kapat tanituna āwa duyawaman kidika, querubin balna minitna yakat yalahnam dutaman kidika, ¡dakah! ¡Mamakpa yamni kau talah Efraín yakat,

²Benjamín dawak Manasés yakat bik! ¡Sahmuhta aiwa yanalaihta yaktah man parasma kau!

³Papang, ¡maiyamtangkat muhnilau dai kapat mawang! ¡Mamakpa yamnikau maitalah kaput laih yanalaihwi yaknakarang!

⁴Dawan, man parasma bitik dutaman kidika, ¿mampatkat kulnamdaukalna sakman kidika damayah man tawanma minityulwa kidika karak?

⁵Di kasnikna pāni yakat makwas yananaman; dinin kidika laih makwas dahni palni yananaman.

⁶Yaihkitnakau balna sarahni yanayulnin yakat yanawirlanaman, dawak yangna waihkinala balna kidika nikingna kakari.

⁷Papang parasni bitik duwa kidika, ¡maiyamtang kat muhnilaudai kapat mawang! ¡Mamakpa yamnikau maitalah kaput laih yanalaihwi yaknakarang!

⁸Egipto kaupak wain as yaknaman: man yakat matatalwas balna yakat rumhnaman, dawak bik dahsaknaman.

⁹Sauni kidika klin yamnamandai, dawak wain kidika rikni duna, kaput laih kidika sauni bitik yakat bunghdana.

¹⁰Witing dinit kau sanni kidika kau asangpas balna yakat sanni dianadai dawak pan balna nanaini yakat bik tingni rahnikau muknadai.

¹¹Tingni rahni balna kidika kuma katbik kalahwi kiunadai, dawakat ukuswi kalahwa balna kidika Éufrates wasni kat kiunadai.

¹²¿Ais yamta daklana kidika tuklaknamanh, datangkat wain kidika dadakwi ta munah muih bayakwih?

¹³Siwi yaklauwi daukalwi; ¡dawak asangpas dini anyang balna yaklauwi kakaswi!

¹⁴Papang parasma bitik dutaman kidika plisma watta nawatta aiwah; yamni talah makau kisang kaupak dawak adika wainni panan yakat kalkulta awah,

¹⁵man kidika wainni dahnaman kidika, dawak sulani kalahwa kidika bik man lawa kalanaman kidika.

¹⁶Kulnam daukalna kau dismuktah dakwi bubuswa muihni balna yakat;

¹⁷kaunah muih al as yakta dunaman kidika ilp kalatah, al walanibis man lawa kalanaman dai kidika yakat,

¹⁸dawak wat as bik man kaupak īslawas awanaki. ¡Sangkinaka yanatah, dawak man yakat manah ayangma yulta awanaki!

¹⁹Dawan parasma bitik dutaman kidika, ¡yamtangkat muhnilaudai kapat awanakuh! ¡Mamakpa yamni kau yanatalah, dawak yangna yanalaihwi yakna karang!