Read Mayangna Salmos 81 Bible Online

Salmos 81 - Mayangna bible

Salmos 81

¹Coro sumalniyang kaupak, Gat paswi yakisdadai kidika karak. Asaf kaupak. ¡Papang yakat alasna unbautanauh, witing kuduh mayang maparaski! ¡Jacob Papangni yakat parasni sarahta ayangni nuhni yamtanauh!

²Kilinghnin dinikau kilingta unbautanauh, dawak paswi yakisdinin dini balnakau bik.

³Trompit puhtanauh, waiku wisamni yaklawak, kaput bik sihm yamtanauh waiku diknipih mani yakat bik, kidika yakat kuduh mayang alasna duda mani kidika.

⁴Kat kidika laih la as bahang Jacob Papangni kidika yaklauwi Israel yakat kalana dai bahang;

⁵dawak kaput bik kidika lani kidik José yakat kalana dai Papang kidika Egipto niningkauh yaklauna kat. Dinit yulwak dakanayangdai kaunah kidika dinit laih amanglatasyangdai:

⁶“Turuknam kidika salahma kaupak laknayang, wark parasni alahwamandai kaupak ingni mayaknayang.

⁷Kulnam kaida kidika yayultangkat malaihtik yaknayangdai; dawak mukuskau alwana yulwa kidika kaupak nangmatlanayangdai; dawak Meribá wasni yakat traima talnayangdai.

⁸Yadakah yang tawanki, yang ismangpaktayang kidika; ¡Israel, yadakamakat!

⁹Sau ūk Papangni dauh balna kidika duwinih; sau uk Papangni dauh balna yakat mamatyulwinih.

¹⁰Yang kuduh Dawan man Papangma, Egipto sauni kaupak mayakna kidika; tamapas wakahtah, dukihman yakat maki.

¹¹“Kaunah yang tawanki laih yadakakih kalawasdai; ¡Israel yulki dakakawasdai!

¹²Kidika bahang dating kat witing yamkih yakat yamna, dawak witingna yalalahwadai amput dukih diawa yakat.

¹³¡Yang tawanki kidika yul yultayang kidika dakanakatlaih! ¡Israel, yang taki munah kiwitdai,

¹⁴makpa sipik sahmuhwa kapat kat witing waihnila balna kidika sau yakat laktitikdai dawak niningkauh yaklalauwa balna kidika wah diana atnin!”

¹⁵Dawan yakat dutni kaltatalwa muihni balna kidika muihsak dauwi bubukwitdai,[46] dawak dutni yakat uinin kidika laih barangni yamwi dawitdai.

¹⁶Papang yaklauwi witing tawanni yakat dibayahwitdai plawar minik tanit yamni kidika kau, dawak was dikih diawa kidika asangpas amakni kau diawak didiwitdai.