Read Mayangna Salmos 9 Bible Online

Salmos 9 - Mayangna bible

Salmos 9

¹Coro sumalniyang kaupak, bara dawak paswi yakisdinin dini. Dawan, yang ising bitik kau ayangma nuhni yamkih yawi, dawak di yamni yamna man balna kidika bik yulkih yawi.

²Makau sak man kidika, man yulma, alasna nuhni karak sarahkih yawi; ¡lawama bik, man ayangma usnit yak unbaukih yawi!

³Yang waihkila balna kidika, man tamat yakat kikiri; dawak bukwi dadauwi.

⁴Man kuduh wihta as pāni barangni man: man trunma yakat yalahna man, yang kau laki yamnam yulni.

⁵Kukulwas muihni balna yakat parasni dibilna man, dutni yamyang balna kidika dis yamna man, ¡witingna sau akat di yayamna bitik kidika ban kaput atnin yak usta yakpamna man!

⁶Waihla kidika dauna, dawi witing karak tawanni nunuhni balna bik didisna; man lawa bahta dis yamnaman, dawak witingna kulnin lani as bik watwas ki.

⁷Kaunah Dawan laih ban kaput atnin kingni ki; witing trunni kidika ban sakki la yamnin yulni;

⁸sau lani yamna karang la barangni kau tawan balna bitik yakat, la barangni kau lanina yamna karang.

⁹Dawan laih taihna muihni balna yak tanitna dakwi, kulninna tikini duduwa mani, balna yakat.

¹⁰Dawan, muih man kau amangmalalawa balna kidika, man yak rahm kukulwi, kat man lawa bik di ruhmta datas man, man kau ma wawalwa muihni balna yakat.

¹¹Dawan yak unbautanauh, witing Sayan yakat king kawa kidika; tawan balna yak isning paktanauh, witing di balna yamna kidika tanka.

¹²Papang[3] man ismang katwang kulninna bukna balna yakat dawak witingna yulwi kakaida kidika bik damatkahwinih; angdika muihni balna dutni yayamwa balna yak, panis diatah.

¹³Dawan, yang kau mikun palni yatalah, talah amput kulnik bukwi yang kau dutni yatatalwa kidika yulni, ¡daunin dūrni kaupak yayaktah!

¹⁴Dawak kaput laih, Jerusalén dūrni kawa yak, muih balna bitik yakat di yulki, man ayangma nuhni dulaunin kidika risnipik duwi, dawakat yang laih alasna yang, kat man yalaihyakna man bahang.

¹⁵Kulwas muihni balna kidika, witingna alas di laihnin pāni ahawa yakat bubukwi, witingna kalnina kidika kat awi laihwatwi, witingna alas di laihna ilisnina, malnikau rapapangna sak yakat.

¹⁶Dawan yaklauwi dawak amangnilalana: ¡la yakat yamna ki! Muih al dutni kidika silak yakat watna, witing alas di laihnin dini āna sak yakat[4] bukna.

¹⁷Dutni yamyang balna dawak kasak kulwas muihni balna, kidika, dawak Papang kau dinitna kalahwa balna kidika laih witingna daunin kingni sauni yakat duwi didisna karang;

¹⁸kat muih miniknakunni kidika, sipawas karang ma bani, dinitkahna lani yakat bang atnin, kaput bik, tahawi talnin kidika ban kaput dis atnin laih awaski.

¹⁹Lawah, Dawan; muih al nuhni kaldakawa kidika kulnin lani kalawinih, ¡man kau amangmalalawas balna kidika muhma tani yakat lanina yamta!

²⁰Dawan, man lawa diyamtangkat witingna yamadangni kaldakakawang; ¡witingna yakat di yamtang kat kaldakakawang witingna kidika muih al as kamanh ki!