Read Mayangna Salmos 95 Bible Online

Salmos 95 - Mayangna bible

Salmos 95

¹Aiwanauh, alasna Dawan yakat unbaudang unbaudanang, manakitdakyang dawak mailaihwi yakyang yakat.

²Witing muhni yakat mawarang tingkih lani karūk dawak witing risnipik unbaunin balna unbaudanang.

³Kat Dawan laih nuhni bahang king nuhni as dawan balna bitik Papangnina.

⁴Witing tingni yakat duwi sau pasluihni kau tuhni kidika; dawak asang maluihni balna kidika bik witing dini balna.

⁵Kuma kidika laih witing dini, kat witing yamna bahang; ¡sau buhni kidika witing tingnikau laihwi yamna!

⁶Aiwanauh, limbabahdi risnipik nuhni kaladanang; Dawan muhni yakat limbabahdanang, kat witing yaklauwi maiyamna bahang.

⁷Witing kuduh mayang Mapapangki, dawak mayang laih witing tawanni mayang; mayang laih witing sīpni mayang. Kaldakanauh, witing warmani manayulwa kidika:

⁸“Ismangna dadasni yayamwinih, Meriba kau dai kapat; kauhmak wanilang kau Masah kau dai kapat bik awas,

⁹muihmana bararak balna traiki tatalnadai kidika, yang warkki balna tatalnadai karang bik.

¹⁰Kurih muihasluih bu kulnik daukalnayangdai, kidika muihni balna karak, dawak yulnayang: ‘Adika muihni balna ta didisna; ¡yang yulki dakakawas ki!’

¹¹Kidika bahang kulnik daukalna pasyakat rahm yamki atnayang uiwi kakawas karang yang yak-urupdayang pāni yakat.”