Read Mayangna Proverbios 22 Bible Online

Proverbios 22 - Mayangna bible

Proverbios 22

¹Tanit yamni ki muih balna yamni maikukulwarang kat gol dawak lalah manas dunin karak dawakat.

²Duyang dawak minikunni kidika di as yakat kapapatki, bupak Dawan yaklauwi yamna bahang.

³Isningpuk muihni kidika yamadangni kaiwak yaklawi; isningpuk awas kidika laih tanit yakat kiwi dawak dalani wauhwi.

⁴Dawan yakat rispik lani dawak limahni atnin kidika laih minit duaiwi ritsni, risnipik dawak sangka atnin.

⁵Muih dutni tanipas yakat laih laihnin dini malnikau āna kidika manas ki; kaunah sangnika maintalwa kidika laih, kallaihwaski.

⁶Yamni sumaltah, warmani walanibis balna kidika, yahan mani muihbarak kalwarang kidika dawas karang ki.

⁷Muih miniknakunni pasyakat di duyang kidika laih king; dawak tras duduwa kidika laih, muih kau lalah wayaki diayang.

⁸Dutni dahwa kidika laih, dutni minik bahwi; ¡Dawan kulnin daukalna panani kau dispamwarang![29]

⁹Muih ūk yakat minikun talwa kidika, blisin duwarang dini kasnin muih miniknakunni karak sahwi duwa kidika.

¹⁰Tapdadas yakpamwa kidika laih, dakwi kalahnin dis dawi kalbilnin dawak kalusnin bik dis dawi.

¹¹King yamni talwi, muih isning yamni kidika, yul yamni bauwa kidika kulnin yamni kidika kalawi.

¹²Dawan laih sins duyang yakat kaltalwi dawak alas muihni yulwa kidika lāih yakwi.

¹³Baskiwah kidika wark kalahnin awas yulni di sat sat yulwi bahang tapas yakat layan sakki, kalkaskuhti.

¹⁴La bahyang yal kungnimak laih pa kudungni kapat ki bahang Dawan ladituhwa kidika balna yakat kakawi.

¹⁵Tapdadas kidika laih wawahma balna kulninna, kaunah bauwakat kidika kau barangni kalalahwi.

¹⁶Rits alahwakuhti muih minikunni yakat taihwa kidika kidika awaskat rits muihni yakat kalawa kidika, laih ban minikunni kalwarang.[30]

¹⁷Sins duyang balna yuyulna kidika yamni dakah; masumalna kidika yamni kulta talah.

¹⁸Kulnam yakat apakta dutah, yamni dukih mawarang dawak bitik watta libitta yulnam.

¹⁹Warmani mating amanglama kaput laih kulnam kidika Dawan yakat āta duma.

²⁰Sins lani 30 maulnayang yul sumalna dawak sins lani,

²¹di rahm kidika masumalting lan alahwanam, kaput laih wais mayulwi dakawak[31] yamni kalyulnam.

²²Muih minikunni kidika minit bayak kalyamwinih, sip awas balna kidika wihta balna muhnina yakat[32] taihwinih,

²³Dawan yaklauwi kalahwi nanitdakwarang dawak taihna karang, taihyang muihni yakat.

²⁴Kaltalyang yamni kalahwinih muih kulninna dutni balna karak,

²⁵di dutni yayamwa kidika lan alahwama dawak wah kidika damamak yakat āma.

²⁶Man launin yulwinih muih trasni kidika,

²⁷ais kau launin disman kat, payahtaman pāni bik dakyakwarang.

²⁸lain balna kidika ūk āwinih muihmabararak balna yaklauwi ahana kidika.

²⁹Muih warkni yamni yamwa kidika, king dini yamyang yakat sakkarang muih dauh yakat laih awaski.