Read Mayangna Cantares 3 Bible Online

Cantares 3 - Mayangna bible

Cantares 3

¹Yang paki yak, pukta balna yakat, walnayang dai sangkika kau dalani talayang kidika. Waltik sip yaktas danayang.

²Kaput dawak lawanayang, tawan nuhni pasyakat irik awaihnayang, sangkika kau dalani talayang kidika waltik, tapas balna yakat, dawak muih kalududuhwa pāni yakat.

³Maintalyang muihni balna yakat yultik dakanayang, tawan nuhni kau awaihwi tatalwa muihni balna yakat: “¿Talasmanah manna, kulnik dalani talayang alni kidika?”

⁴Witingna kaupak daktik alahwayang yakauna, kalpaknayang dai, dalani talayang alni kidika. Tingni yakat laihnayang, dawak datasyang kaput duyawanayang nanangki ūni yakat.

⁵Jerusalén yayalni balna, pramis yayamtanauh, asangpas kau sana balna yulnina, dalani talayang kamatus kidika sahmuhnin-awas ki. ¡Datanang kamang mampat sahmuhwarang kat!

⁶¿Ais yah kauhmak wanilang kaupak kaiwa kidika, dawak pukni manah paskau kaiwa kidika, pan yani walapni dawak walapni buswa wayauni pasmunah, dawak walapni satni bitik kau?

⁷¡Kidika laih Salomón ilsakwi duahaiwa dini kidik kaiwi! Kalbauyang 60 maintalwi aiwi, Israel paskau tanit kulninna dadasni balna kidika;

⁸witingna bitik isparah yamni kalbabauwi, dawak war kalbauwi lan balna ki; witingna bitik kau isparah as as baninamak yakat duwi aiwi pukta yamadahngni kidika yulni.

⁹Muih ilwi duwi uinin dini as yamna Salomón, Líbano panani yayamni balna karak.

¹⁰Panan nunuhni kidika laih lalah karak yamna, dangni taihwa kidika laih gol karak yamna, dawak yalahnin balna kidika laih mapla paisa kau yamna; pastawa kidika laih, kulnin dalani talwa kidika kau yamna, Jerusalén yayalni balna yulnina.

¹¹Sayan yayalni, ¡alahwa talnauh, king Salomón yakat! King paknin dini kidika pakwi kiwi, witing nanangni yamwi kalana dai kidika yal dunin mani kat, witing sangnika yakat tanit alasna mani kidika.