Read Mayangna Cantares 8 Bible Online

Cantares 8 - Mayangna bible

Cantares 8

¹¡Yamni karang man kidika yang wirahki man kat laih, yang nanangki tani suta baraknaman! kaput kat, tapas yakat makalpaktik sipdai maumnik, dawak muih as bik sarahni yayulwas atnin dai;

²sipdai nanangki ūni yakat madutik yawinik, kidika yakat mating āwanamdai, dawak man kidika yang yasumalyang atnamdai. Yang lawik wain tanit yamni kidika mating kat dinamdai dawak granada minikwas kidika bik.

³¡Witing tingni wadahni kidika tunaki dinit yakat awang, dawak tingnipal kau yawakaihwang!

⁴Pramis yayamtanauh, Jerusalén yayalni balna, dalani talayang muihni kamatus kidika uswi sahmuhnin awaski. ¡Datanang kamang, witing angkat sahmuhwarang kat!

⁵¿Kidika waisyah, kauhmak wanilang kaupak kaiwa kidika, dalani talwa alni salahni yakat kilwi kaiwa kidika? Manzana panan dinit yakat minikauhni kidika ustik sahmuhnayang: kidika yakat man nanangma dalani kallaihna dai kidika; kidika yakat man nanangma muihbin duna dai.

⁶Putma minik yakat yahata yaduyawah, ¡tingma yakat bik ulta yaduyawah! Dalani talnin kidika bahnin dini awaski, sihm daunin kapat; kulnin yakat dalani wauhwa kidika laih sip satuk yamwas ki, sau ū kapat. ¡Dalani talnin kuhnipau daihni kidika laih Papang kuhni as ki!

⁷Kuma balna wasni kidika bitik dalani talnin kidika sip piwas karang; was murwa balna kidika bik sip pipiwas karang. Muih as, witing ritsni balna kidika kalawarang bik dalani talnin kidika wirihnin, sarahni kalyulnin manah laih duwarang.

⁸Mawirahki yal bin kidika tani kalahwas ki. ¿Witing kidika ais yamdarangyah dunin, yulna aiwakat?

⁹Itikwi lana as kapat atnin katlaih, witing minit yakat dakladitdai lalah kau; dūr as katlaih, suhun tatni kau manah yamditdai.

¹⁰Yang laih itikwi lana as kapatyang, taki kidika laih sihm makau kilwi talnin pāni kapat ki. Kidika bahang, witing minikpa yakat, uman yaknayang maisinglak kidika.

¹¹Salomón witing wain yamak as duwadai Baal-hamón yakat. Maintalyang balna tingnina yakat āwi danadai, minik bahnin mani kaiwi kawak kalalawadai witingna yaklauwi muihnina kat kat lalah tausin.

¹²lalah tausin kidika laih man dima, Salomón, dawak andat bu kidika laih maintalyang balna dinina; ¡yang laih alas wainki kidika maintalayang!

¹³¡Datangkat, man damat yultaman kidika dakakuh, dipulu dahna paskau kingnina yal man kidika! ¡kaltalyang yamni balna kidika dakanin tahahawi!

¹⁴¡Dalani matalayang muihniman kidika irah, sana kapat irah, sana walanibis as kapat asang balna walapni kidika minit munah!