Read Mayangna Isaías 12 Bible Online

Isaías 12 - Mayangna bible

Isaías 12

¹Kidika mani yuyulwarang: “Tingkih matian Dawan, yang karak kulnam daukalnaman karang bik, kidika laih uman bayakkiuna, bahang watta kulnin aslah kidika yānaman.

²Papang kuduh yaklauwi yalaihwi yakwa kidika; witing yakat kulnik ānayang, bahang yamadutasyang. Dawan kidika laih yang maldinik pāni, dawak bik witing kidika laih yang paraski, dawak bik yalaihwi yakyang.”

³manna bik sip awanama yawa alasna dina atnamna laihwi yaknin wasni yakat,

⁴kaput laih yuyulwarang: “Tingkih kalatanauh, dawak Dawan ayangni kidika yultanauh, kaput bik laih muih balna yakat diyultanauh witing di balna yamna kidika, kaput bik isningna paktanauh di bitik minit yakat witing kidika manah ki.

⁵Dawan yakat unbautanauh, kat witing laih di nuhni yamna bahang sau muihni balna bitik amanglanin ki.

⁶Parasni sarahta alastanauh, Sayan muihni balna, kat Israel Papangni maisihni dis kidika manna pasmangna yakat sak bahang parasni nuhni bitik karak.”