Read Mayangna Isaías 20 Bible Online

Isaías 20 - Mayangna bible

Isaías 20

¹Wat as kat, Asiria kingni Sargón yaklauwi sihna dai kalbauyang tunan nuhni as, Asdod tawanni nuhni as yakat, dawak kalbauyang tunan nuhni kidika yaklauwi Asdod nining yakat kalbauwi minit bayakwi kāwi duna dai.

²Kidika mani balna yakat Dawan yaklauwi yulna dai prapit Isaías Amoz walanibis munah, bahang aput kalyulna dai: “Prakma dutni āwanaman kidika yakpamtah dawak susma āwanaman kidika bik.” Kaput laih Isaías witing susni yakwi kalpas manah dana dai, dawak prakni balna bik yakwi muihni manah dana dai.

³Kaput dawak Dawan aput yulna dai: “Yang diki yamyang Isaías witing kalpas manah dawak bik prak dis muihni manah kurih bās likdai, bahang kidika laih sain as dai kaput bik laih yul tanka as diyulwa dai Egipto dawak Etiopía yakat.

⁴Kaput bik laih Asiria kingni yaklauwi dilaihwi dukiwarang Egipto dawak Etiopía muihni balna yakat, wawahma dawak muih bararak karangpa bik, dawak kalpas manah pa, dawak asna dis muihnina manah karang bik, saranina lāih karang asalnina kalahnin yulni.

⁵Muih balna kidika yamaduduwarang, dawak asalni dakakawarang Etiopía muihni balna yulnina, kidika balna yakat tāni tahanin kidika duduwa dai, dawak Egipto yakat bik, kaput bik laih kidika balna yakat talwi witingna manah kapat kaldakakawa dai.

⁶Kidika mani balna yakat yuyulwarang muih balna bitik kuma kungkau yalalahwa balna kidika: ‘Talnauh amput kalahwadah mayang witingna yakat tahanin as duda dai kidika, kidika balna yakat ilp yulda dai kidika, Asiria kingni tingni kaupak mailaihwi yaknin yulni. ¿Amput dadi waralaih kidika kaupak dakdi malahwarang yah?’ ”