Read Mayangna Isaías 38 Bible Online

Isaías 38 - Mayangna bible

Isaías 38

¹Kidika mani balna yakat Ezequías siknis laihwak kalsuhdana, dawak prapit Isaías, Amoz walanibis kidika kiwi kaltalwi kalyulna: —Dawan yulwi: ‘Man wanaihma, walamabis balna yakat las yulni kidika diyulta, kat dauma ki. Mayamwas karang ki.’

²Ezequías witing daklana nining yakat muhni wirlawi aput minit yulna Dawan yakat:

³“Yang kalma dinit yakat buktik yultayang Dawan, ismangkatma amput man yakat barangni warkma yamnayang dai kidika, dawak kulnik bitik laih man dukih mawa yakat yamnayang dai.” Dawak tapalhni palni kaidana dai.

⁴Dawan yaklauwi Isaías yakat pakna

⁵kiwi kalyulna atnin Ezequías yakat: “Dawan, muihmabarak Devid Papangni aput yulwi: ‘Mamatyulnaman kidika dakanayang, dawak mamakwas bik talnayang. Baisa sangmaka kidika kurih 15 mana awaki.

⁶Mana dawak Jerusalén bik manalaihtik yakki ki Asiria kingni kaupak. Yang tanit dakna awaki adika tawanni nuhni.’ ”

²¹Isaías yaklauwi pakna dai, ani damni minik kidika kau laihwi yudutni yamwi dawi king muihni siknis laihna yakat kahna atnin, dawak kaput yayamwak king witing yamni kalahna.

²²Kaput dawak, Ezequías yaklauwi Isaías yakat kalyulwi dakana: —¿Ais sainni kau yang amanglakiyah Dawan ūni yakat yawinik sip kalna kidika?[60] Isaías yaklauwi nangnitlana: —Adika sainni Dawan yaklauwi mawarang, witing pranimis kat yamwarang kidika man yakat: Acaz watsni kidika yamtingkat ma sanni duwa kidika, kilitna salap nawatwarang, uman yaklakna kidika kaupak. Kaput laih grado salap yaklakna dai kidika nawatwi kilna dai. Judá kingni Ezequías, witing sikninis kaupak kalyamna usnitkat, adika salnimo ulna dai: Yang kulnayang dai: Yang sangkika kau ma yamni balna dai yakat yawinik dai; daunin kingni lani yakat yawinik yayulwi yang maki sutni balna watwa kidika yakat. Yang kulnayang: Adika sauni akat baisa Papang talas awaki, kaput bik adika sauni akat muih balna bangkidika asbik wattik talas awaki. Payahnik pāni kidika dis kalna, nikingyayakna, sihm sīp maintalyang balna ūnina labanni kapat. Yang sangkika kidika asn(...)