Read Mayangna Isaías 4 Bible Online

Isaías 4 - Mayangna bible

Isaías 4

¹Kidika mani muih ahal kidika bulah kalwarang, bahang muih yayal tiaskaubu kalahwi al as yulni kalbabauwarang, dawak yuyulwarang: “Yangna alas dukih mayawa kidika yakdi dudarang, yangna alas asna yaktik awanaki, bahang datang ayangma kidika dutanakuh, asalkina kaupak yana laihta yaktah.”

²Kidika mani, Dawan yaklauwi kalawak ukuswi kalahwarang kidika yaksinh karang Israel muihni balna dauwas yaklalana balna kidika; sau di minik yakwarang kidika witingna alasnina karang dawak risninapik karang.

³Sayan yakat dauwas dawi yaklalawarang kidika, dawak Jerusalén yakat bik yaklalawarang kidika witingna yakat diana karang kidika yakat yalahna atnin, bahang diyulna karang “Dawan dini balna.”

⁴Dawan lāni yamwarang yakat dawak wah diawarang kidika,[5] Jerusalén yakat muih iwi āni ututuhna kidika klin yamwarang dawak Sayan muihni balna taski dikahna kidika klin diyamwarang.

⁵Sayan asangni bitik yakat muih balna kaluduhna kidik Dawan yaklauwi mukus puksani as kalawak kalahna karang madah yakat, dawak pukta yakat laih kuh dahlwa yaringni kalawarang. Kidika bitik minit yakat Dawan alasnina sakkarang,

⁶kidika laih tanitna dakna atnin yulni; madah madaihni kidika sanni diana atnin yulni dawak was lauwa wing parasni wauhwa balna kidika tanitna daknin yulni.