Read Mayangna Isaías 56 Bible Online

Isaías 56 - Mayangna bible

Isaías 56

¹Dawan yulna: “La kat kidika manna yamta lan alahwanauh, di barangni kidika manna yamtanauh, kat sirihni laihwi yaknin kidika yamna awaki ki; yang laihtik yaknik paraski nuhni kidika niningnakaki ki.

²Yamni palni karang angdika muihni la yakat yamwa kidika dawak barangni kat yamwa kidika, yak-urupdinin mani[77], kidika bik kulnin yakat duwa kidika bahang dutni yamwas ki, amungtalwi dutni yamnin awas yulni.”

³Sau ūk muihni kidika Dawan yakat wiryaklawarang kat, yulnin awas ki: “Dawan yaklauwi witing tawanni kaupak naikau yaduwarang.” Yayal duduwas nining ban kaput ahalni balna kidika bik yulninna awas karang: “Yang laih pan as buhlana kapat yang.”

⁴Kat Dawan yulwi: “Muih ahal yal duduwas nining kaput balna kidika yakurupdinin mani kidika kulninna yakat duduwarang, dawak kulnik lani kat yamwi yang pramiski yakat barangni karangkat,

⁵yang lawik tanit yamni kidika diaki, walaninabis ahal, dawak yayal duduwa kapat tanit; yang diana awaki, witingna ayangnina kidika prikias uni daklana paskau yakat ulna karang ban kaput atnin; witingna yakat ayangnina as diaki bahang kidika laih ban kaput karang sarandis, dawak bik sip tapwas karang.

⁶Sau ūk muihni balna yang akat aiwarang kidika, diki yamwi dalani yatalna atnin, dawak yang diki yamyang kalna atnin, bahang yak-urupdinin mani kidika kukulwi, bahang witingna daukakalwas ki, yang prakimis yakat barangni uiwi,

⁷yang asangki maisihnidis yakat duaiki, dawak mikityultayang uni yakat isningnalak alasna diyamki. Yang sakripais bustayang pāni yakat sakripais bubuswarang kidika yamni talki, kat yang ūki kidika laih makat yulnin uni bahang tawan balna bitik niningna yakat, kidika bitik lāih yulnayang.

⁸Yang lawik yamtingkat nawatwi aiwi kalududuhna karang, laihwi duwi uina pāni kaupak.” Dawan yaklauwi kaput yulwi, bahang witing yamwak Israel muihni balna kidika aiwi kalududuhna karang kalruhna bangkidika kaupak.

⁹Aiwanauh asangpas dini anyang balna, aiwanauh asangpas kau didauh mana kidika sīp balna kidika kasna atnin;

¹⁰kat tawanki maintalyang balna kidika miniknapa diski, di as bik isningna aiwi tatalwas ki. Witingna bitik kidika laih sul tininapas diski, auhnin sip-awas kidika; ma balna kaiwa yakat kalangwi kaminin manah ki; amakih diawi.

¹¹Sul yuhdadauna kapat, di kakaswak bik sip dibanghwas kidika kapat ki, sīp maintalyang balna di as bik amanglalawas ki; witingna silp tanina yakat uiwi, witingna dukih diawa kidika manah tatalwi.

¹²Yuyulwi: “Mawi wain waldanang, dinin wanisak parasni duwa balna kidika didi wasak daudanang. Yahan bik sihm warmani yamda kapat yamdarang, kidika awaskat baisa tanit yamdarang.”